भांगरभूंय | प्रतिनिधी
जीमेल, ड्रायव्ह आनी फोटो सारकिल्ल्यो गूगल सेवा वापरपी लोकां खातीर ही बातमी. कंपनी कांय वापरप्यांचीं गूगल खातीं बंद करुंक शकता. गूगल वेळावेळार लोकांक तांचे गूगल खातें सक्रिय करपाक सांगता. आतां मेरेन हें करूंक नाशिल्ल्यांचे जीमेल खातें डिलीट जावपाचे वाटेर आसा. गूगल 20 सप्टेंबर सावन अशीं खातीं काडून उडोवपाची प्रक्रिया सुरू करूंक शकता.
गूगल खातें म्हळ्यार जीमेल, ड्रायव्ह, युट्युबांत बरोच वेळ सायन इन करूंक नाशिल्ल्यान हीं खातीं बंद जावंक शकता. तांचो सगळो डेटा आनी सामुग्री काडून उडयतले. गूगल आपली सर्व्हर सुवात मेकळी करपाक सोदता आनी नेमान वापरपी खात्याचेर लक्ष केंद्रीत करूंक सोदता.
फाटलीं दोन वर्सां तुमी तुमचो जीमेल वापरूंक ना जाल्यार तुमचें खातें डिलीट करतलें. गूगल निश्क्रीयताय धोरणांतल्यान गूगलाक दोन वर्सां खातीर वापरुंक नाशिल्ली निश्क्रीय गूगल खातीं काडून उडोवपाचो अधिकार आसा.
खातें कशें वाटायतले-
१. फाटलीं दोन वर्सां तुमी तुमच्या गूगल खात्यांत लॉग इन करूंक ना जाल्यार तें डिलिट जावंक शकता. तुमचें खातें वाटावपाक तुमी ह्यो पद्दती वापरूं शकतात-
२. जीमेल वापरात: तुमच्या जीमेलांत लॉग इन करात आनी तुमच्या इनबॉक्सांत ईमेल धाडात वा ईमेल वाचात.
३. गूगल फोटोचेर फोटो शेयर करात: फोटो अपलोड वा शेअर करपाक गूगल फोटोंत सायन इन करात.
४. युट्युब व्हिडियो पळयात: तुमच्या जीमेल खात्यात लॉग इन करून युट्युबाचेर व्हिडियो पळयात.
५. गूगल ड्रायव्ह वापरात: गूगल ड्रायव्हांत लॉगीन करात आनी तातूंतली खंयचीय फायल अपलोड करात वा डाउनलोड करात.
६. गूगल सर्च वापरात : तुमच्या गूगल खात्यांत सायन इन करात आनी गूगल सर्च इंजिनाचेर कितें तरी सर्च करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
