भांगरभूंय | प्रतिनिधी
पणजी, बातमीदार ः केंद्रीय सशस्त्र पुलीस दळाच्या बीएसएफ, सीआरपीएफ, आयएसबीटी आनी हेर खात्यांत नोकरेच्यो संदी उपलब्ध जाल्यात. हे खातीर 1526 पदां खातीर भरती प्रक्रिया सुरू जाल्या. इत्सूक आनी पात्र उमेदवारांनी वेगवेगळ्या पदां खातीर ऑनलायन अर्ज करपा खातीर पुराय तपशील जाणून घेवपा खातीर rectt.bsf.gov.in ह्या संकेतथळाक भेट दिवची.
केंद्रीय सशस्त्र पुलीस दळांत भरती करपा खातीर सीआरपीएफांत 303 पदां, बीएसएफांत 219 पदां, सीआयएसएफांत 642 पदां, एसएसबींत 08 पदां आनी रायफल्सांत 35 पदां आसात.
केंद्रीय सशस्त्र पुलीस दळांतल्या सहाय्यक उपनिरिक्षकाच्या नोकरे खातीर उमेदवार 12वी पास जाल्ले आसूंक जाय. हाचे भायर स्टेनोग्राफराची कुशळटाय आसूंक जाय. बीएसएफ सयत ह्या सुरक्षा दळांत हेड कॉन्स्टेबल जावपाक उमेदवार 12वी पास जाल्ले आसूंक जाय.
केंद्रीय सशस्त्र पुलीस दळाच्या भरती खातीर उमेदवाराची पिराय उण्यांत उणी 18 वर्सां आनी चडांत चड 25 वर्सां आसपाक जाय. हाचे भायर सरकारी नेमा प्रमाण उपलब्ध आशिल्ली पिरायेची सवलत राखीव प्रवर्गांतल्या उमेदवारांक दितले.
केंद्रीय सशस्त्र पुलीस दळांत हेड कॉन्स्टेबलचो पगार म्हयन्याक 25,500- 81,100, जाल्यार सहाय्यक उपनिरीक्षकाक (स्टेनो) म्हयन्याक 29,200- 92,300 रुपया पगार मेळटलो.
ह्या पदांचेर निवड करपा खातीर उमेदवारांची पयली शारिरीक चांचणी जातली. ताचे उपरांत संगणकाचेर आदारीत चांचणी जातली. आनी उपरांत कुशळटाय चांचणी, दस्तावेज सत्यापन, वैजकी चांचणी उपरांतच निमाणी निवड जातली.
वयल्या पदां वांगडाच इत्सूक पात्र उमेदवार हेर पदां खातीरुय अर्ज करूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
