भांगरभूंय | प्रतिनिधी
पणजी: खेळां आनी युवा वेव्हार खात्या वतीन १३ आनी १४ नोव्हेंबराक पणजे कला अकादमींत राज्य युवा महोत्सवाचें आयोजन केलां. राज्य पावंड्या वयल्या पयल्या जैतवंतांची राष्ट्रीय युवा महोत्सव २०२५ खातीर निवड जातली.
लोकनाच (पंगड), लोकगीत (पंगड), लोकनाच (सोलो), लोकगीत (सोलो), कथा लेखन, पोस्टर, वक्तृत्व, कवीता, हस्तकला, लुगट आनी कृशी उत्पादन अशा प्रकारांत कुशळटाय सर्ती जातल्यो. सर्तींनी वाटो घेवपी तरणाट्यांनी पिराय १६ जानेवारी २०२५ दिसा १५ ते २९ वर्सां मजगतीं आसपाक जाय.
युवक/ पंगडांनी अर्ज पिरायेचो दाखलो म्हूण आधार कार्ड वा जल्म दाखलो आनी बँक पासबूक प्रती सयत http://forms.gle/forms.gle/TQseNQ9zBbSmLc5PA चेर ३० ऑक्टोबर मेरेन धाडचे. खेळां आनी युवा वेव्हार खात्याचे http://dsya.goa.gov.in हे वेबसायटीचेर लिंक अपलोड केलां. चड म्हायती खातीर एपीईओ सिंथीया सिक्वेरा हांचे कडेन ९८२३३९३६५७ ह्या नंबराचेर संपर्क करचो,अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
