भांगरभूंय | प्रतिनिधी
वर्ल्ड हॅप्पीनेस रिपोर्ट जाहीर
नवी दिल्ली, खबरां संस्था ः वर्ल्ड हॅप्पीनेस रिपोर्ट तयार करतना स घटकांचो विचार करतात. समाजीक सुरक्षा, भलायकी, उत्पन्न, स्वातंत्र्य आनी लोकां मदलें औदार्य ह्या सगळ्यांचो विचार जाता. मनशाक सुखी रावपाक बरी मानसीक आनी शारिरीक, सुविधांनी भरिल्ले परिस्थितीची गरज आसता. ह्या गूणांचेर अपेस आयिल्ल्या देशाक उणे गूण मेळटा आनी हाच्या वयल्यान संवसारांतले सगळ्यांत दुखी देश खंयचे ते थारायतात.
दर वर्सा प्रमाण वर्ल्ड हॅप्पीनेस रिपोर्ट जाहीर जाला. खंयच्या देशाचे नागरीक चड सुखी आसात आनी खंयच्या देशाचे नागरीक चड दुखी, हाची आंकडेवारी तांतूत जाहीर केल्या. नागरिकांच्या सुख निर्देशांकाची गणना करतना स्वातंत्र्य, भलायकी, भ्रश्टाचार, उत्पन्न ह्या सारक्या घटकांचो विचार केला. संवसारीक पांवड्यार सुखाची पातळी थारावपी घटकां विशीं अफगाणिस्तान सगळ्यांत दुखी देशाच्या वळेरेंत पयल्या क्रमांकाचेर आसा. देखून भारताचीय स्थिती तितलीशी बरी ना.
संवसारांतले सगळ्यांत दुखी देश….
१. अफगाणिस्तान
२. लेबनॉन
३. सिएरा लियोन
४. झिम्बॉब्वे
५. काँगो
६. बोत्सवाना
७. मलावी
८. कोमोरोस
९. तंजानिया
हे वळेरेंत भारताचें नांव नासलें तरी भारताची स्थिती तितलीशी बरी ना. 137 देशांतल्यान भारताचो क्रमांक 12 वो आसा, म्हळ्यार संवसारांतलो तो बारावो दुखी देश. अर्थीक उदरगतीचे नदरेन संवसारीक मळार भारताची उदरगत जाता, पूण ह्या अहवाला प्रमाण भारताची सुवात बरी ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
