भांगरभूंय | प्रतिनिधी
भांगरभूंय । प्रतिनिधी
वाळपयः अंदूची लोकसभा वेंचणूक देशाचे नदरेन सामकी म्हत्वाची आसा. संवसारीक पांवड्यार भारताची प्रतिश्ठा वाडपाक लागल्या. जायते धाडसी निर्णय घेंवंन ते येसस्वीपणान चालीक लावपी नरेंद्र मोदी परत पंतप्रधान जावप सामकें गरजेचें आसा. ते खातीर गोयांतल्या दोनूय लोकसभा मतदारसंघांत भाजपाचे उमेदवार खासदार म्हणून वेंचून येवप गरजेचें आसा, अशें भाजपाचे उत्तर गोंयांतले उमेदवार श्रीपाद नायक हांणी वाळपय हांगा थळावे आमदार आनी भलायकी मंत्री विश्वजीत राणे हाच्या कार्यालयांत नगरगांव पंचायत वाठारांतल्या पक्षाच्या कार्यकर्त्याचे बसकेंत उलयतना सांगलें.
हे बसकेक विश्वजीत राणे, पर्येची आमदार देविया राणे, जिल्हो पंचायत वांगडी राजश्री काळे, नगरगांवची सरपंच सध्या खाडीलकार, वाळपय मतदारसंघाचे भाजपा प्रभारी विनोद शिदें, भाजपा मंडळाचे अध्यक्ष रामनाथ डांगी हाजीर आशिल्ले. फाटल्या पांच लोकसभा वेंचणुकांत उत्तर गोंयांतल्या लोकांनी म्हजेर पुराय विस्वास दाखयलो. हे खेपे केंद्रांतल्यान व्हडा प्रमाणान निधी हाडून उत्तर गोंयची आनीकूय उदरगत करतलो अशें श्रीपाद नायक हांणी सांगलें.
वाळपय आनी पर्यें मतदारसंघातल्यान श्रीपाद नायक हांकां 30 हजार मतांची आघाडी मेळोवन दिवपाचें उद्दिश्ट आसा अशें विश्वजीत राणे हांणी सांगलें. विरोधक जें किदें सांगतात ताचेर अजिबात विस्वास दवोरनाकात. पंतप्रधान नरेंद्र मोदी हांचे हात बळीश्ट करपा खातीर ही वेंचणूक म्हत्वाची आसा. सत्तरीचे उदरगतींत श्रीपाद नायक हाचें योगदान आसा. आदले मुख्यमंत्री प्रतापसिंह राणे हांच्या भुजाक भूज लावन तांणी गोंयकारांची सेवा केल्या अशें तांणी सांगलें.
श्रीपाद नायक हांणी गोंयचे उदरगती खातीर योगदान दिलां. पक्षान तांका अधिकृत उमेदवारी दिल्ल्यान पक्ष काम म्हणून तांका वेंचून दिवप ही आमची लागणूक आसा. सत्तरींतले लोक हें काम बरे भशेन करतले अशें देविया राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
