हिमोफिलीया दुयेतीं खातीर जाली भलायकी शिक्षण कार्यावळ

हिमोफिलीया दुयेतीं खातीर आयोजीत भलायकी शिक्षण कार्यावळीक हाजीर आशिल्ले दुयेंती, पालक आनी हेर मानेस्त.

भांगरभूंय | प्रतिनिधी

पणजी: हिमोफिलीया सोसायटी गोंय, नवी सुरवात आनी नवो नोरडिस्क हांच्या जोड पालवान दक्षीण गोंय जिल्हो हॉस्पिटलांत (होस्पिसियो) हिमोफिलीया दुयेंती आनी तांच्या पालकां खातीर भलायकी शिक्षण कार्यावळ आयोजीत केल्ली. तशेंच संवसारीक हिमोफिलीया दीस आयोजीत केल्लो. ह्या वेळार 20 दुयेंती आनी तांचे पालक हाजीर आशिल्ले. 

हे कार्यावळींत होस्पिसियो हॉस्पिटलाची बाल भलायकी विभाग मुखेली डॉ. कल्पना गांवस अध्यक्ष म्हणून लाभली. तशेंच डॉ. स्टेफनी डायस (मेडिकल ऑफिसर) आनी बार्बरा सिल्वा (मानसशास्त्रतज्ञ, नवी सुरवात) ही ह्या वेळार हाजीर आशिल्ली. 

डॉ. कल्पना गावस हांणी हिमोफिलीया दुयेतींक सगळे तयरेची मजत दितले. तशेंच तांकां बर्‍या दर्जाचीं वखदां दितले अशें सांगलें. तिणें हिमोफिलीया दुयेतींची जतनाय घेवपा विशीं म्हत्वाचे सल्ले ह्या वेळार दिले. 

डॉ. स्टेफनी डायस आनी बार्बरा हांणी हाजीर आशिल्ल्या बायलां खातीर मार्गदर्शन केलें. हिमोफिलीया सोसायटी गोंय हांणी दुयेतींक संकटा वेळार वापरपा खातीर फॅक्टर 8 आनी फॅक्टर 7 दिले.

हाजीर आशिल्ल्या सगळ्यांक भेट दिली आनी हे कार्यावळीची सांगाता जाली.