भांगरभूंय | प्रतिनिधी
पेडणेंः विर्नोड्यां सरकारी म्हाविद्यालया मुखारच्या फ्लायओव्हराचेर हिट अँड रन अपघात जालो. ह्या अपघातांत नियाज झारी (38) हाका मरण आयलें. जाल्यार दोग जाण किरकोळ जखमी जाले.
मेळिल्ले म्हायती प्रमाण, म्हाविद्यालया मुखारच्या फ्लायओव्हराचेर सकाळीं ४ वरांचेर हो अपघात जालो. एका अनवळखी लॉरीन कोंबडी व्हरपी टेम्पोक फाटल्यान नेटान धपको दिलो. हाका लागून टेम्पो ड्रायव्हराचे नियंत्रण गेले आनी टेम्पो उमथलो. हांतूत गंभीर जखमी जाल्लो टेम्पो ड्रायव्हर नियाज झारी (38) हाका हॉस्पिटलांत व्हरतना वाटेर मरण आयलें, जाल्यार हेर दोग जाण जखमीं जालें. तांचेर उपचार सुरू आसात. मजगतीं, पुलिसांनी अपघाताचो पंचनामो करुन लाॅरीचो सोद सुरू केला.
मजगतीं, फाटल्या ३ दिसांत जाल्ल्या ४ अपघातांत ५ जाणांक मरण आयलां जाल्यार ५ जाण जखमी जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
