भांगरभूंय | प्रतिनिधी
फोंडें, प्रतिनिधी ः फर्मागुडीच्या धोक्याच्या जीव्हीएम जंक्शना लागसार चलत वचपी विद्यार्थ्यांक स्कुटरीन धपको दिवन पळ काडलो. जखमी जाल्लो सोलोमन पलई (16, मानसवाडो, कुंडय) ह्या विद्यार्थ्यांचेर हॉस्पिटलांत उपचार सुरु आसात.
मेळिल्ले म्हायती प्रमाण, शेनवारा सकाळीं 9.45 वरांचे सुमाराक स्कुटर चलोवप्यान रस्त्या वयल्यान चलत वचपी विद्यार्थ्याक धपको दिलो. विद्यार्थी रस्त्यार पडून जखमी जालो. स्कुटर चलोवप्यान घडणूक थळा वयल्यान पळ काडलो. फोंडें पुलिसांनी अपघाताचो पंचनामो करुन अज्ञात स्कुटर चलोवप्याचो सोद सुरु केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
