भांगरभूंय | प्रतिनिधी
फोंडें, प्रतिनिधी: फोंडें पुलिसांनी शेनवारा रातीं फेसबुकार हिंदू धर्माच्या लोकांच्यो भावना दुखयल्ल्या प्रकरणांत काशिनाथ धनंजय मयेंकार (६०, मयें – दिवचल) हाका अटक केली. शिरोडेंच्या रक्षित नितीन शिरोडकार हांणी कागाळ दाखल केल्ली. फोंडें पुलीस हे विशीं आनीक तपास करता.
शेनवारा दुबावितान फेसबुकार भावना दुखोवपी फोटो घालून पोस्ट केल्ल्याची फोंडें पुलीस स्टेशनाचेर कागाळ दिल्ली. कागाळी प्रमाण फोंडें पुलिसांनी दुबाविताक अटक केल्ली. फोंडें पुलीस स्टेशनाचो ताबो आशिल्ल्या म्हार्दोळ पुलीस स्टेशनाचे निरीक्षक योगेश सावंत हांच्या मार्गदर्शना खाला ही कारवाय जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
