भांगरभूंय | प्रतिनिधी
भांगरभूंय । प्रतिनिधी
फोंडेंः हिंदू सांस्कृतीक न्यासा वतीन गुडीपाडव्या निमतान मंगळार 9 एप्रिलाक गुडी लावपाची कार्यावळ सकाळी 7वरांचेर जातली. ही कार्यावळ फोंडें शारांतल्या क्रांती मैदानार जातली अशी म्हायती न्यासाचो अध्यक्ष जयंत मिरींगकार हाणे दिली.
ह्या निमतान मंगलयात्रेक मिरवणुकेन सुरवात जातली. उपरांत नवे दिनदर्शिकेची प्रकाशन कार्यावळ आनी मुफत वाटप जातलें. कार्यावळीक मुखेल सोयरे म्हणून शिल्पकार आनी इतिहास अभ्यासक सचीन मदगे, पद्मश्री संजय पाटील, डॉ नूतन देव, डॉ रामेश्वर कदम, अॅड मनोहर आडपयकार हाजीर रावतले. सांजे 4 वरांचेर ल्हान भुरग्यां खातीर भेसवण सर्त जातली. सांजे 6 वरांचेर सर्वोच्च न्यायालयाचो ज्येश्ठ वकील आश्विनी कुमार उपाध्याय हांचे रामराज्य आनी भारतीय संविधान ह्या विशयाचेर व्याख्यान जातलें. कार्यावळीक सगल्यांनी हाजीर रावचें अशें जयंत मिरींगकारान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
