भांगरभूंय | प्रतिनिधी
सर्वोच्च न्यायालयाचें म्हत्वाचें निरीक्षण
पणजी : सर्वोच्च न्यायालयान म्हत्वाचें निरीक्षण नोंद करून हिंदू धर्म ही फकत धर्मीक पद्दत न्हय जीण जगपाची पद्दत, अशें म्हणलें. कोणूय हिंदू उरपा खातीर देवळांत वचप वा विशिश्ट धर्मीक विधी करप हाची गरज आसा अशें ना, अशें न्यायालयान स्पश्ट केलें. बुधवारा मुखेल न्यायमुर्ती सूर्य कांत हांच्या अध्यक्षते खाला णव न्यायाधीशांच्या घटणुकेपिठान सुनावणे मजगतीं, घरांत दिवो लावपूय श्रद्धा उक्तावप पुरो, अशें निरीक्षण नोंद केलें.
बायलांविरोधांतल्या धर्मीक थळांचेर भेदभाव, विशेश म्हळ्यार सबरीमला देवूळ प्रकरण तशेंच विवीध धर्मांतल्या धर्मीक स्वातंत्र्या कडेन संबंदीत याचिकांचेर सुनावणी सुरू आसतना न्यायालयान हें मत उक्तायलें. हातूंत दाऊदी बोहरा समुदाया कडेन संबंदीत मुद्यांचोय आसपाव आसा.
ह्या घटनापिठां न्यायमुर्ती बी. व्ही. नागरत्ना, एम. एम. सुंदरेश, अहसानुद्दीन अमानुल्ला, अरविंद कुमार, ऑगस्टीन जॉर्ज मसीह, प्रसन्न बी. वराळे, आर. महादेवन आनी जॉयमाल्या बागची हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
