हारसो गरजेचो

भांगरभूंय | प्रतिनिधी

… आनी दुख्खाच्या प्रसंगाचेर सगळ्यांचे दोळे टाळून दोळ्यांतल्यान पडपी दुकां लेगीत हारशांत रेकॉर्ड जाल्लीं आसतात … हारसो म्हणल्यार तुमी कितें आसात तें तुमकां दाखयतात…

घरांतल्यान भायर सरतना धाकल्या ते व्हडल्या मेरेन सगळे हारशांत पळय नासतना भायर सरनात. हारशाची खाशेली आवड चलयांक वा बायलांक दिसता.ऑफिसांत काम करपाक वचपी कॉलेजींत वचपी चलयांच्या पर्सींत हारसो गरजेचो आसता. जिवितांत आमी जायत्यो गजाली वापरतात जीं आमच्या जिविताचो एक अभिन्न भाग जाल्यात. ह्या सगळ्या गजालींतली एक म्हत्वाची आनी सक्तीची वस्तू म्हळ्यार “हारसो”.
हारशांत तोंडा वयलो भाव दिसता. परिक्षेंत कोणाक बरे गूण मेळ्ळे जाल्यार त्या विद्यार्थ्याच्या तोंडावयली सुखाची नदर हारशांतल्यान सांगता. तुमचो लागींचो इश्ट कांय वर्सां उपरांत मेळटा हारशान पळयतकूच मनाची खोशी हारशांत दिसता… आनी दुख्खाच्या प्रसंगाचेर सगळ्यांचे दोळे टाळून दोळ्यांतल्यान पडपी दुकां लेगीत हारशांत रेकॉर्ड जाल्लीं आसतात … हारसो म्हणल्यार तुमी कितें आसात तें तुमकां दाखयतात…
घरांतल्यान भायर सरतना भुरगीं ते जाण्टे चड करून सगळेच हारशाक पळयले बगर थांबनात. ऑफिसांत काम करपी आनी कॉलेजींत शिकपी चलयांच्या पर्सींत हारशे मेळटात. रस्त्यार वतना कॉलेजीचो तरणाटो गाडयेच्या हारशांत पळयता आनी केंस घुंवडायत दिसता. मुद्दो म्हळ्यार हारशांत तोंड पळोवपाक सगळ्यांक आवडटा आनी ताकाच लागून आयज हारसो गरजेचो जाला, हारशे नासत जाल्यार ड्रायव्हरांक फाटल्यान वेगान चलपी गाडयो पळोवंक मेळच्यो नात.
गाडी चलयतना — गाडी आसूं वा सायकल — हारशे आमकां फाटल्यान आशिल्ल्या गाडयेची कल्पना दितात. हो हारसो नासलो जाल्यार ड्रायव्हराक खूब गोंदळ जावपाचो. मनाच्या हारशांत त्या दिसाच्या विचारांची प्रतिमा चड सोबीत आनी पळोवपा सारकी आसता.
दर एका घरांत एक हारसो हाजीर आसता. केन्ना वण्टीचेर, केन्ना व्हडल्या आलमारींत, केन्ना पर्सींत, केन्ना व्हडल्या हॉलांतल्या दाराच्या कुशीक घरांत येवपी वचपी लोकांक आपली प्रतिमा दाखयता. घरांत ताची सुवात खूब म्हत्वाची. मनशाचें दिसपट्टें जिवीत आपलें प्रतिबिंब पळयले बगर चालू उरूंक शकना.
सद्याक व्हड व्हड हॉटेलां, व्हड शोरूम, दुकानां जीं कांय हारशांनी सजयल्लीं आसतात, आनी देखून गिरायक थंय आकर्शीत जाल्लें दिसतात… घर सजोवपाक जागो विचारांत घेतात. ल्हान जागो व्हड दिसपाक जाय जाल्यार हारशे उपेगांत हाडटात . हारसो घराक सोबीत करता… हारसो निवळ करप खूब सोंपें. वेगवेगळे प्रकारचे हारशे पळोवन एकलो अजापीत जालो. नक्षीदार, बिलोरी, षटकोण, गोल, हारसो, हारसो नासलो जाल्यार मनशाक आपली प्रतिमा खंय दिसतली…?
मुलाखतींत वतना, सुवाळ्याक वतना, लग्नाक, उत्सवाक वतना, बायलो आनी दादले हारशांतल्यान आपली प्रतिमा पळयतात.
हारसो म्हळ्यार केंसांचो सलून, फोटो स्टुडिओ, मॉल आदीं. सगळ्या जाग्यार तांची म्हत्वाची भुमिका आसता. गांवच्या जात्रांनी अशा हारशांक म्हत्वाची सुवात आसा. मागीर हारसो ना जाल्यार ही सगळी मजा ना जातली. देखून असो बहुउद्देशीय हारसो आमच्या जिविताचो एक म्हत्वाचो भाग आसा.

गौरी भालचंद्र

9422373926