भांगरभूंय | प्रतिनिधी
अहमदाबाद, खबरां संस्था: हर्शे चॉकलेटींत मेल्लो हुंदीर, आयसक्रीमेंत मनशाचें बोट, बंगळुरूंतल्या ऍमेझॉन पार्सल बॉक्सांत नाग मेळपाची खबर ताज्जी आसतना, गुजरातांतल्यान अशीच एक खबर आयल्या. अहमदाबादच्या फामाद देवी दोसा रेस्टॉरंटांत सांबराच्या बावलांत एक हुंदीर सांपडलो.
देवी दोसा हें फामाद रेस्टॉरंट. हांगा खूब लोक जेवपाक येतात. ह्याच हॉटेलांत सांबारांत मेल्लो हुंदीर मेळ्ळो. दक्षीणेचें खाशेलपण आशिल्ली इडली, दोसा, उत्थप्पा आनी हेर खाणां- जेवणां ह्या जाग्यार मेळटात. हें सगळें खावपाक लोक गर्दी करतात. लोक चड करून नाश्तो करपाक येतात.
नेमकें कितें घडलें?
देवी रेस्टॉरंटांत एका गिरायकान डोसा आनी इडली ऑर्डर केली. तांकां सांबाराचे वाटयेंत एक हुंदीर मेळ्ळो. उपरांत हें गिरायक अहमदाबाद पालिका म्हामंडळा कडेन गेलें. हे विशीं अन्न आनी वखदां प्रशासन आनी भलायकी खात्या कडेन कागाळ केली. ते उपरांत भलायकी खात्यान ह्या रेस्टॉरंटाक नोटीस जारी केल्या. ह्या रेस्टॉरंटाची तपासणी करतना सांबार, चटणी सारकिल्ल्यो वस्तू उक्ते सुवातेर दवरिल्ल्याचें दिसून आयलें. त्याच उक्ते सुवाते वयल्यान तें काडून लोकांक दिता अशेंय दिसता. देखून ह्या जाग्यार हुंदीर पडपाची शक्यताय आसा अशेंय व्हिडियो पळयल्या उपरांत लोक म्हणटात. हो व्हिडियो अहमदाबाद अपडेट्स इंस्टाग्राम पेजीचेर घाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
