हवामानाची अचूक म्हायती दिवपी INSAT-3D सॅटेलायटचें आयज प्रक्षेपण

भांगरभूंय | प्रतिनिधी

श्रीहरिकोटा, खबरां संस्था: भारतीय अंतराळ संशोधन संस्था (ISRO) शेनवारा (१७ फेब्रुवारी) हवामानाची अचूक म्हायती दिवपी INSAT-3D हो उपग्रह प्रक्षेपीत करतले. सतीश धवन स्पेस सेंटरच्यान सांजेवेळार ५.३० वरांचेर प्रक्षेपीत जातलें. GSLV Mk II रॉकेटा वरवीं हो उपग्रह प्रक्षेपीत करतले. लिफ्टऑफ उपरांत सुमार २० मिनटांनी ते जिओसिंक्रोनस ट्रान्सफर ऑर्बिट (GTO) तैनात जातले.
१ जानेवारी २०२४ रोजी PSLV-C58/ EXPOSAT मिशनच्या प्रक्षेपणा उपरांत २०२४ ची ही इस्रोची दुसरी मोहीम. इनसॅट-३डी माळयेंतलें हें सातवें उड्डाण आसतलें. हे माळयेंतलो निमाणो उपग्रह, INSAT-3D, ८ सप्टेंबर २०१६ दिसा प्रक्षेपीत केल्लें.
इस्रोचे अध्यक्ष एस सोमनाथ हांच्या म्हणण्या प्रमाण, १० नोव्हेंबर २०२३ सावन INSAT-3D च्यो कंपन चाचण्यो सुरू जाल्ल्यो. हे ६-चॅनेल इमेजर आनी १९-चॅनेल साउंडरा वरवीं हवामाना कडेन संबंदीत म्हायती दितले. हे सोद आनी बचावा खातीर ग्रावंड डेटा आनी संदेशूय रिले करतले.

INSAT-3D कितें करतलें?
२२७४ किलो वजनाचो उपग्रह, एकदां कार्यान्वीत जाले उपरांत, पृथ्वी विज्ञान, हवामान विभाग (IMD), नॅशनल इन्स्टिट्यूट ऑफ ओशन टेक्नॉलॉजी (NIOT), हवामान अंदाज केंद्र आनी भारतीय राष्ट्रीय केंद्र खाला विवीध विभागांक सेवा दितली.
५१.७ मीटर लांबीच्या रॉकेटांत इमेजर पेलोड, सावंडर पेलोड, डेटा रिले ट्रान्सपॉन्डर आनी सॅटेलायट एडेड सर्च आनी रेस्क्यू ट्रान्सपॉन्डर आसतले. जाचो उपेग ढग, धुकें, पावस, बर्फ आनी ताची कूड, उजो, धुंवर, जमीन आनी महासागर हांचो अभ्यास करपाक केल्या.