भांगरभूंय | प्रतिनिधी
गोंयांत दोन जिल्हे, उत्तर गोंयांत 1.65 लाख गांवगिरीं घरां आनी दक्षीण गोंयांत 98 हजार गांवगिरीं घरां आसात. 191 पंचायती नळाच्या माध्यमांतल्यान लोकांक उदका पुरवण करतात. उदकाची चांचणी तांक बळिश्ट करपाक राज्य एनएबीएल (NABL) प्रमाणित 14 उदक गुणवत्ता चाचणी प्रयोगशाळा सुरु केल्यात.
गांवांतल्या घरांक यशस्वी तरेन 100 टक्के नळ कनेक्शन दिवपी गोंय हें देशांतलें पयलें ‘हर घर जल’ राज्य थारलां. जल जीवन मिशनाचो प्रभावी वापर करून गांवांतल्या लोकांचें जिवीत वयर काडून आनी तें सोंपें करून गोंय सरकारान बरें काम केलां. राज्यांतल्या भाजपा सरकारान नेटाचे यत्न करून नियोजित वेळा पयलींच गोंयची उदरगत आनी लक्ष्यां पुराय केल्यांत. उरिल्लीं पुराय करपाच्या मार्गाचेर आसात.
जून 2020 त केंद्रीय जल शक्ती मंत्री गजेंद्र सिंह शेखावत हांणी मुख्यमंत्री डाॅ. प्रमोद सावंत हांकां पत्र बरोवन राज्याचे वर्सुकी येवजणेंत गांवांतल्या घरांत 100 टक्के नळ कनेक्शन दिवपाच्या यत्नांक पूर्ण तेंको दिल्लो. पिवपाचें उदक नळा वरवीं दिवप ही केंद्र सरकाराची प्राथमिकताय आसा, अशेंय तांणी सांगिल्लें. ते प्रमाण 2020- 21 वर्साच्या राज्याच्या निधींत वाढ करून 12.40 कोटी निधी दिल्लो. महात्मा गांधी राष्ट्रीय ग्रामीण रोजगार हमी येवजण, स्वच्छ भारत मिशन (ग्रामीण), 15 व्या वित्त आयोगाचें अनुदान, जिल्हो मीन वेवस्थापन निधी, कॅम्प, सीएसआर निधी, थळावें मळ विकास निधी ह्या माध्यमांतल्यान उदकाचे स्रोत बळिश्ट करप, उदका पुरवण, पिड्ड्यार उदकाचेर प्रक्रिया आनी फेरवापर करप हांचो हातूंत आसपाव आसा.
गोंयांत दोन जिल्हे, उत्तर गोंयांत 1.65 लाख गांवगिरीं घरां आनी दक्षीण गोंयांत 98 हजार गांवगिरीं घरां आसात. 191 पंचायती नळाच्या माध्यमांतल्यान लोकांक उदका पुरवण करतात. उदकाची चांचणी तांक बळिश्ट करपाक राज्य एनएबीएल (NABL) प्रमाणित 14 उदक गुणवत्ता चाचणी प्रयोगशाळा सुरु केल्यात. जल जीवन मिशना खाला दरेका गांवांतल्या पांच जाणांक खास करून बायलांक गांवांतूच उदकाची चाचणी करपा विशी टेस्ट किट वापरपाचें प्रशिक्षण दिलां. रोखडेच हेर बायलांकूच दितले.
गांवांतल्या दरेका घरांत, तेय कोरोनाच्या काळांत नळाच्या माध्यमांतल्यान उदकापुरवण करपाक गोंयान जें येश मेळयलां तें हेर राज्यां खातीर उदाहरण आसा. घरांचे नळ जोडणी संबंदीची ग्रामीण भारतांतली ही मूक क्रांती ही ‘न्यू इंडिया’ चे दिशेन सुरू आशिल्लें कार्य म्हणचें पडटलें.
गोंयकारांच्या घराघरांनी उदक पावलां. आतां उदका पुरवणेचेर लक्ष दवरपाक सेन्सॅरचे आदारीत डिलीव्हरी मॉनिटरींग सिस्टीम सुरु करतले. म्हणल्यार दरेका घराक फावो त्या प्रमाणांत पिवपाचें उदक नेमान आनी चडांत चड दितले. उदक ही मुळावी गरज तेन्ना सगल्यांक उदक मेळप ही सरकाराची लागणूक. ते बाबतींत सरकाराक येश मेळ्ळां हातूंत दुबाव ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
