भांगरभूंय | प्रतिनिधी
महेंद्रगड, खबरां संस्था: हरियाणाच्या महेंद्रगड जिल्ह्यांतल्या कनिना गांव लागसार शाळेच्या बशीक भिरांकूळ अपघात जालो. ही घडणूक आयतारा सकाळीं घडली. ह्या अपघातांत पांच विद्यार्थ्यांक मरण आयलें आनी १५ विद्यार्थी जखमी जाले.
ही बस महेंद्रगडांतले जीआरएल शाळेची. ही बस सकाळीं विद्यार्थ्यांक शाळेंत व्हरताली. ओव्हरटेक करपाचो यत्न करतना ड्रायव्हराचें बशी वयलें नियंत्रण सुटलें आनी बस उमथी पडली. हातूंत पांच विद्यार्थ्यांक मरण आयलें जाल्यार १५ विद्यार्थी जखमी जाले. जखमी विद्यार्थ्यांक रोखडेंच लागींच्या सरकारी हॉस्पिटलांत दाखल केले. हे बशींत १०वेच्या वर्गांत शिकपी ३५ ते ४० विद्यार्थी आशिल्ले.
आजूनय सगळ्या विद्यार्थ्यांची म्हायती मेळूंक ना. पुलिसांनी घडणुके सुवातेर येवन पंचनामो केला. ह्या अपघातांत बस चालकूय जखमी जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
