भांगरभूंय | प्रतिनिधी
अव्वल कारकून ममता फोंडेकार प्रशासक
पणजी : हरवळें पंचायतीचो कार्यकाळ सोंपिल्ल्यान सरकारान प्रशासकाची नेमणूक केल्या. दिवचल मामलेदार कार्यालयांतल्यो अव्वल कारकून ममता फोंडेकार हांची प्रशासक म्हूण नेमणूक जाल्या. हे विशींची अधिसुचोवणी पंचायत संचालकांनी जारी केल्या. वेंचणूक जावन नव्या सरपंचांची निवड जाय मेरेन पंचायतीचेर प्रशासक आसतलो.
ममता फोंडेकार हांचे कडेन हरवळें पंचायत प्रशासकपदाचो आलायतो ताबो आसतलो. दरेकी सप्तकांत मंगळार, बिरेस्तार आनी शेनवारा त्यो पंचायतींत उपलब्ध आसतल्यो. निर्वाचीत सरपंच तशेंच पंचांचो कार्यकाळ सोंपला. कार्याकाळ सोंपचे पयलीं वेंचणूक घेवप शक्य जावंक नाशिल्ल्या कारणान गोवा पंचायत राज कायदो १९९४ च्या कलम १८० आनी उपकलम (१) खाला प्रशासकाची नेमणूक केल्या. पंचायत राज कायद्या प्रमाण कामाचे जे अधिकार प्रशासकाक आसात, ते प्रमाण प्रशासक पंचायत कामकाजाचे निर्णय घेतले, अशें अधिसुचोवणेंत स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
