भांगरभूंय | प्रतिनिधी
5 प्रभागा खातीर 20 ऑक्टोबराक जातली वेंचणूक
पणजी, प्रतिनिधी : हरवळें पंचायतीच्या वेंचणुके खातीर आयज बिरेस्तारा 3 उमेदवारी अर्ज दाखल जाले. 5 प्रभागां खातीर 20 ऑक्टोबराक वेंचणूक जातली. 1 ते 9 ऑक्टोबर मेरेन अर्ज सादर करपाची मुजत आसा. पाच प्रभागां मदले 2 प्रभाग बायलां खातीर राखीव आसात.
पंचायतीचो कार्यकाळ 18 ऑगस्टाक सोंपिल्ल्यान पंचायतीचेर प्रशासकाची नेमणूक जाल्या. हरवळेच्या पाच प्रभागांनी 2091 मतदार आसात. 1 ते 9 ऑक्टोबर मेरेन सकाळीं 10 ते दनपारां 1 मेरेन उमेदवारी अर्ज भरपाची मुजत आसा. 10 ऑक्टोबराक उमेदवारी अर्जांची छाननी जातली. 11 ऑक्टोबराक दनपारां 2 मेरेन उमेदवारी अर्ज फांटी घेवपाची मुजत आसा. 20 ऑक्टोबराक मतदान जाले उपरांत 21 ऑक्टोबराक मतमेजणी जातली.
साश्ट म्हालातल्या ओर्ली पंचायतीच्या प्रभाग 7 आनी केपें म्हालातल्या मोरपिर्ला पंचायतीच्या प्रभाग 6 खातीर 20 ऑक्टोबराकूच पोटवेंचणूक जातली. ओर्ली आनी मोरपिर्ला पोटवेंचणुके खातीर एकूय उमेदवारी अर्ज दाखल जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
