भांगरभूंय | प्रतिनिधी
दिवचल, प्रतिनिधी: हरवळें सरपंच पदार गौरवी गुरुप्रसाद नायक आनी उपसरपंच पदार देमगो मळीक हांची विरोधा विणें निवड जाली.
पंचायत कार्यालय आयोजीत बसकेंत निर्वाचन अधिकारी म्हणून नवनाथ आमरे, प्रताप राणे हजर आशिल्ले. ह्या दोनूय पदां खातीर दरेकी एकेक उमेदवारांनी नांव नोंद केल्ल्यान ही निवड विरोधा विणें जाल्ल्याची निर्वाचन अधिकार्यांनी घोशीत केलें. ह्या वेळार पंच अजय मळीक, ममता दिवकार, अस्मिता मळीक हजर आशिल्लीं.
नवी सरपंच गौरवी नायक हांणी सांगलें, मुख्यमंत्री प्रमोद सावंत हांच्या मार्गदर्शना खाला हरवळें गांवची पुरायेन उदरगत करपा खातीर सगळ्यांक वांगडा घेवन, तशेंच गांवच्या लोकांचे विचार समजून गांवची उदरगत चालीक लायतलीं. कोयर निर्मूलन, स्वयंपूर्ण गोंय, आत्मनिर्भर गोंय हे खातीर विवीध उपक्रम राबयतना ग्रामपंचायत आदर्श करपाचो आपलो संकल्प आशिल्ल्याचें तांणी सांगलें.
उपसरपंच देमगो मळीक हांणी सगळ्यांक वांगडा घेवन आमी मुख्यमंत्र्यांच्या सहकार्यान उदरगत करतले अशें स्पश्ट केलें. ह्या वेळार नव्या सरपंच आनी उपसरपंचांक कार्यकर्त्यांनी परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
