भांगरभूंय | प्रतिनिधी
पणजी, प्रतिनिधी: हरवळे पंचायतीच्या 4 प्रभागां खातीर आयज शांतीकायेन मतदान जालें. मतदारांनी मोठो प्रतिसाद दिलो. सांजे 4 मेरेन 87.62 टक्के मतदानाची नोंद जाल्या. केपे म्हालातल्या मोरपिर्ला पंचायतीच्या प्रभाग 6 खातीर 4 मेरेन 90.88 टक्के मतदान जाल्ले.
हरवळें पंचायतीच्या 5 प्रभागां मदल्या प्रभाग एकांत देमगो मळीक हो विरोधाविणें वेंचून आयलो. हाका लागून हेर 4 प्रभागां खातीर आयज मतदान जालें. 4 प्रभागां खातीर 12 उमेदवार रिंगणात आसात. फाल्यां सोमारा मतमेजणी जातली. हरवळेचें सरपंचपद बायलां खातीर राखीव आसा. प्रभाग 4 आनी 5 बायलां खातीर राखीव आसा. लोकसंख्या उणीं आशिल्ल्यान एससी, एसटी आनी हेर मागास वर्गीयां खातीर एकूय प्रभाग राखीव ना.
हरवळें पंचायतीचो कार्यकाळ 18 ऑगस्ट 2024 ह्या दिसा सोंपिल्ल्यान पंचायतीचेर प्रशासकाची नेमणूक जाल्या. हरवळेंच्या पांच प्रभागां मदीं 2091 मतदार आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
