भांगरभूंय | प्रतिनिधी
हरमल, बातमीदार: हरमलच्या सकयलो वाडो वाठारांत माड आनी भेणयेचें झाड रस्त्यार पडलें. ताका लागून व्हड लुकसाण जावपा पसून वाटवलें. मात हांगा आनीक एक झाड खवणेकार हांच्या घराचे वटेन बागवल्ल्यान ते कोसळून लुकसाण जावपाचो भंय थळावे उक्तायतात.
सकाळीं सुमार ८ वरांचेर पांडुरंग खवणेंकार हांच्या घरा लागसारचो माड आनी भेणयेचें झाडा पडलें. माडाच्या वजनान भेणयेचेंय झाड मोडलें. माड सरळ रस्त्यार पडलो. मात कोणाक कांय जावंक ना, अशें खवणेकार हांणी सांगलें. उजो पालोवपी दळ येवचे पयलीं लोकांनी पडिल्लीं झाडां कुशीक करून रस्तो येरादारी खातीर उक्तो केलो.
झाड धोक्याचें थारोवन कापपाची मागणी
घोग्यांनी पडपी पावसाक लागून आपल्या घरा कुशीक आशिल्लें भेणयेचें झाड मदींच तुटिल्ल्यान तें केन्नाय घरार कोसळटलें असो भंय खवणेकार हांणी उक्तायला. हे विशीं आपणें पंचायत कार्यालयांत कळयलां. तलाठी नाशिल्ल्यान पळोवणी करप शक्य जावंक ना. मामलेदार कार्यालयान ह्या झाडाची पळोवणी करून तें बेगोबेग कापपाची मागणी तांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
