भांगरभूंय | प्रतिनिधी
हरमल, बातमीदार: हरमला ’चलो पंचायत अभियान’ हालींच जालें. हाका २४ वरां सोंपचे पयलींच दोनचाकी वेवसायीकांक दंडाच्यो नोटिशी आयिल्ल्यान आनी एका किलोमीटराच्या अंतराचेर दोन कडेन येरादारी अधिकारी तैनात राविल्ल्यान नागरिकांनी तिडक उक्तायली.
समाजकल्याण मंत्री सुभाष फळदेसाय हांणी येरादारी खात्याच्या अधिकार्यांक किरकोळ सोडून हेर बाबतींत कारवाय करपाची मेकळीक दिल्ली. मात हेल्मेट सक्ती नेम पाळिनाशिल्ल्याचें कारण सांगून एक हजार रुपया दंडाची नोटीस दिली, ताका लागून ‘चलो अभियान’ म्हणल्यार फटींगपणां आशिल्ल्याचें म्हणीत कांय जाणांनी तिडक उक्तायली.
फाटल्या म्हयन्याच्या निमाण्या सप्तकांत २८ फेब्रुवारीक हॅल्मेटा बगर दुचाकी चलोवन येरादारी नेम मोडिल्ल्याचो दावो ते नोटिशींत नमूद केला. ते दंडात्मक कारवायेची नोटीस बुधवार ६ मार्चाक मेळिल्ल्याचें एस नायक हांणी सांगलें. खरें म्हळ्यार आठ दिसां उपरांत नोटीस घरा पावता. हाचेर दुबाव आसा. येरादारी खातें मुद्दम वाहन चालकांक टार्गेट करता अशें दिसून येता अशें नायक हांणी सांगलें.
मेळिल्ले म्हायती प्रमाण जंय वाहतूक विभागाचे अधिकारी रावतात थंयच्यान थळावे नागरीक तिठो वाठारांत सदच्या कामा खातीर हॅल्मॅटा बगर यो-वच करतात. फकत एक-देड किलोमीटर अंतराच्या वाठारांत हेल्मेट सक्ती नेमांची अंमलबजावणी कित्याक करची असो प्रस्न एस. नायक हांणी विचारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
