भांगरभूंय | प्रतिनिधी
म्हापशें: सोनेगांव महाराष्ट्र पुलिसांनी 2 कोटींच्या ड्रग्ज प्रकरणांतल्या फरारी दुबावीत आरोपी पंकज चराडे आनी अक्रम खराडे ह्या दोगांक हणजूण पुलिसांचे मजतीन हणजूण्यां अटक केली.
फाटल्या 2 मार्च दिसा सोनेगांव, नागपूर हांगा पुलिसांनी ही ड्रग्जा आडची कारवाय केल्ली. त्यावेळार दुबावीत कुणा गोविंद घबाने (नागपूर) हाका अटक केल्ली. दुबाविता कडल्यान 1.9 कील एमडीएम हो 2 कोटी रुपयांचो ड्रग्ज जप्त केल्लो.
ह्या ड्रग्ज विक्री वेव्हारांत अजून दोगां दुबावितांचो आस्पाव आशिल्ल्याचें पुलिसांक चवकशेंतल्यान दिसून आयिल्लें. तशेंच हे फरार दुबावीत 5 मार्च दिसा गोंयांत आयिल्ल्याची म्हायती उक्ती जाल्ली.
महाराष्ट्र पुलिसांक वयले दुबावीत हणजूण दर्यादेगेर आशिल्ल्याची म्हायती मेळिल्ली. ते प्रमाण सोनेगांव पुलीस पंगड गोंयांत दाखल जालो. तांणी हणजूण पुलिसांचे मजत घेवन वयल्या दोनूय दुबावितांक अटक करून पुलीस तांकां नागपूरा घेवन गेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
