भांगरभूंय | प्रतिनिधी
पणजी : गोंयांत काल रातीं आनी आयज सकाळीं पडिल्ल्या पावसाक लागून कांय पडझडीच्यो घडणुको घडल्यो. हणजूणा लायटीच्या दोन खांबे रस्त्याचेर लोकांक धोको निर्माण करपी तरेन बावगल्ल्याची घडणूक घडल्या. पावसाक लागून खांब्याच्या लागसारची माती कुसकुशीत जाल्ल्यान हे खांबे लवंडले. ही घडणूक मुखेल रस्त्याचेरूच घडिल्ल्यान हांगच्यान प्रवास करपी लोकांक त्रास सोंसचे पडले. तशेंच येरादारी विस्कळीत जाली.
हे घडणुकेची म्हायती मेळटांच ट्रॅफिक पुलिसांचो पंगड रोखडेच घडणुके सुवातेर दाखल जालो. तांणी उपरांत येरादारी सुरळीत करपाचें काम हातांत घेतलें. तशेंच, वीज खात्याचे कर्मचारी क्रेनी सयत घडणुके सुवातेर पाविल्ल्यान वाडिल्ले खांबे कुशीक करून ते परत सरळ करपाचें काम झुजा पांवड्यार सुरू आसा. ह्या अपघाताक लागून ह्या वाठारांतल लायट तात्पुरती काडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
