भांगरभूंय | प्रतिनिधी
म्हापशें, प्रतिनिधी ः हणजूण्यां लायटीचे खांबे आनी भोंवतणच्या भागांत वीजेची गळटी जावन लाकांक लायटीचो शॉक लागपाचो भिरांकूळ प्रकार बुधवारा घडलो. हे विशीं कळटांच वीज अधिकार्यांनी रोखडेच येवन जमनी पोंदच्या लायटीच्या सरयांतलो दोश दुरुस्त करून वीज पुरवण सुरळीत केली.
ही घडणूक स्टार्को जंक्शना लागसारा घडली. रस्त्या वयल्या लायटीच्या खांब्या लागसारच्यान वतना गोरवांक अचकीत लायटीचो शॉक लागलो. ताका लागून तीं थंयच्यान धांवलीं. हें हांगा आशिल्ल्या एका गॅस्ट हावजाच्या सुरक्षारक्षकाक कळ्ळें. तांणी गेस्ट हावजाच्या इलेक्ट्रीशियनाक म्हायती दिली. ताणें रोखडोच टेस्टरान लायटीचो खांबो तपासलो. ह्या खांब्या सयत जमनीक शाॅक येता अशें दिसलें. उपरांत हे घडणुकेची म्हायती वीज खात्याक दिली. रोखडेंच वीज अधिकार्यांनी घडणुके सुवातेर वचून लायट उडयली. ताका लागून कसलीच वायट घडणूक घडूंक ना.
जमनी पोंदच्यो लायटीच्यो सरयो इबाडिल्ल्यान शॉर्ट सर्कीट जावन लायटीची गळटी जाल्या आसतली अशी शक्यताय वीज अधिकार्यांनी उक्तायली. रोखडीच वीज जोडणी कट करून ती दुरुस्त केली अशी म्हायती तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
