भांगरभूंय | प्रतिनिधी
पणजी : हडफड्यां आयोजीत केल्ल्या एका इव्हेंटा मजगतीं दुर्दैवी घडणूक घडली. हांगा लायटीचो शॉक लागून एका तरणाट्याक मरण आयलें. अनिकेत पाटील (रा. कर्नाटक) अशें मरण आयिल्ल्या तरणाट्याचें नांव.
हे विशीं मेळिल्ले चड म्हायती प्रमाण, इव्हेंटाचे सुवातेर आसतना अनिकेत पाटील हाका अचकीत लायटीचो शॉक लागलो. हे घडणुके उपरांत तांकां बेगोबेग उपचारा खातीर हॉस्पिटलांत धाडलो. मात थंय दोतोरान ताका मरण आयिल्ल्याचें सांगलें.
हे घडणुकेक लागू इव्हेंटाचे सुवातेर बरोच बोवाळ जालो. हाजीर आशिल्ल्यांनी दुख्ख उक्तायलें. हे घडणुकेची म्हायती मेळटांच पुलिसांनी घडणुके सुवातेर पावन पंचनामो केलो. लायटीचो शॉक नेमको कित्याक लागून लागलो हाचो तपास सध्या सुरू आसा. पुलीस हे विशीं फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
