भांगरभूंय | प्रतिनिधी
केरी-सत्तरी, प्रतिनिधी: ‘स्वातंत्र्यवीर सावरकर’ हो चित्रपट करमुक्त करपा खातीर मुख्यमंत्री डॉ. प्रमोद सावंत हांकां वीर सावरकर युवा मंच दिवचल वतीन निवेदन दिलें.
वीर सावरकर युवा मंच दिवचले ही संस्था सावरकरांच्या मुल्यांचेर आदारीत समाजांत काम करता. २२ मार्च सावन ‘स्वातंत्र्यवीर सावरकर’ हाी चित्रपट सगळ्याक प्रदर्शीत जाता. वीर सावरकरांचें काम, देशा खातीर तांणी केल्लो संघर्श ह्यो सगळ्यो गजाली आतांचे पिळगेक आनी विद्यार्थ्यांक खबर आसप गरजेचें. आयचे पिळगेन तांचे कडल्यान प्रेरणा घेवन देशभक्ती वाडोवपाक जाय.
देशांतल्या सामान्य व्यक्तींक वीर सावरकर कोण आशिल्ले, तांणी आपली जीण देशा खातीर कशी समर्पीत केली हे विशीं म्हायती आसप गरजेचें. जाका लागून तांच्या व्यक्तीमत्वाक धरून जे कारणा बगर वाद निर्माण जातात ते बंद जातले. सामान्यांक हो चित्रपट पळोवपाक मेळचो म्हणून आमी तो करमुक्त करचो आनी गोंयच्या विद्यार्थ्यांक चित्रपट फुकट दाखोवचो अशी मागणी मंचा वतीन केल्या. मंचाचे अध्यक्ष रामकृष्ण दळवी आनी मंचाचे आदले अध्यक्ष विजय होबळे हांणी हें निवेदन मुख्यमंत्र्यांक सादर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
