भांगरभूंय | प्रतिनिधी
भांगरभूंय । खबरां मेज
पणजीः गोंय सरकाराच्या गोरवां सांबाळ खात्या वतीन स्वयंपूर्ण गोंय मिशना खाला मोलें, कुळें आनी साकोड्डें पंचायत वाठारांतल्या शेतकारां खातीर खासा मेळावे आयोजीत केल्ले.
पशु वैजकी अधिकारी डॉ केतन चौगुले आनी विस्तारीत अधिकारी प्रदीप नायक हाणे गोरवां सांबाळ खात्या वतीन चालीक लायिल्ल्या तरकेवार येवजण्यांची म्हायती शेतकारांक दिली. शेतकारांनी तांचो लाब घेवंन शेती व्यवसायांत प्रगती करची अशें तांणी मागलां. शेतकारांक उत्पादन वाडोवपाक उर्बां दिवपाचें काम करपाच्या हेतात हो मेळावो आयोजीत केल्लो. मोलें पंचायत सभाघरांत जाल्ले ह्या मेळाव्याक मोलें पंचायत मंडळाचो सरपंच कपीन नायक आनी हेर पंच वांगडी हाजीर आशिल्ले. सरपंच नायक हाणे शेतकारांक सरकारी येवजण्यांचो फायदो घेवन स्वावलंबी जावपाचो सल्लो दिलो.
कुळें पंचायत सभाघरांत जाल्ल्या मेळाव्याक कुळेंचो सरपंच गोविंद शिरगांवकार आनी पंच वांगडी हाजीर आशिल्ले. साकोड्डें पंचायत वाठारांतल्या मेळाव्याक साकोड्डें पंचायत सचीव भूषण तावडे हांणे मार्गदर्शन केलें. हे मेळावे आयोजीत करपाक डॉ केतन चौगुले हांणे परिश्रम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
