भांगरभूंय | प्रतिनिधी
भांगरभूंय । प्रतिनिधी
फोंडें: फोंडेंच्या वयल्या बाजारांत शेनवारा रातच्या 10.30 वरांच्या सुमाराक स्कुटरी वयल्यान सोऱ्याची बेकायदो येरादारी करप्या आड कारवाय केली. फोंडें पुलिसांनी स्कुटर आनी सोरो मेळून वट्ट 1,01,898 रुपयांचो म्हाल जप्त केलो. जप्त केल्लो सोरो फोंडें अबकारी खात्याच्या अधिकाऱ्यांचे सुवादीन केलो. ह्या प्रकरणांत परिंद पारकार हाका पुलिसांनी ताब्यांत घेतलो.
पुलिसांनी दिल्ले म्हायती प्रमाण शेनवारा राती वेळार जीए 05 के 4029 नंबराचे स्कुटरी वयल्यान सोऱ्याची बेकायदो येरादारी चलिल्ली. पुलिसांनी स्कुटरचालका कडेन सोऱ्या संबंदांतल्या कागदपत्रांची मागणी केली. त्या वेळार तो तशें कांयच दिवपाक शकलो ना. ते खातीर पुलिसांनी स्कुटरचालकाक ताब्यांत घेवन स्कुटर आनी सोरो जप्त केलो.
निरिक्षक तुषार लोटलीकार हांच्या मार्गदर्शना खातीर उपनिरिक्षक प्रगती मळीक हांणी कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.