भांगरभूंय | प्रतिनिधी
मडगांव, प्रतिनिधी ः सोऱ्याचे घुंवळेंत बायलेचेर सुरयेन हल्लो करपी दुबावीत ज्योकीम फर्नांडीस हाका मायणा- कुडटरी पुलिसांनी अटक केल्या. जखमी जाल्ली बायल अल्केन हिचेर जीएमसींत उपचार चलतात.
मेळिल्ले म्हायती प्रमाण, कुडटरे रावपी ज्योकीम हांणे 14 ऑगस्टाक मध्यान रातीं घरकान्न अल्केन हिचे वांगडा जाल्ल्या केस्तावां वेळार रांदचे कुडींतली सुरी हाडून तिचेर हल्लो केलो. अल्केनाचे पोटाक व्हडलो घावो जाला. हे घडणुकेची म्हायती मेळटकच अल्केन हिचो भाव जेरी फर्नांडीस थंय पावलो. थंय हाजीर आशिल्ल्यांनी पुलिसांक कळयलें आनी एम्ब्युलन्स आपयली. मागीर अल्केनाक उपचारा खातीर हॉस्पिटलांत व्हेली.
जेरी हाणें पुलिशेंत कागाळ केली. पुलिसांनी उपरांत ज्योकीम हाका अटक केली. ज्योकीम हो सुरी हल्लो करतना सोऱ्याचे घुंवळेत आशिल्ल्याचें चवकशेंतल्यान स्पश्ट जालां. पुलीस निरिक्षक अरुण गावस देसाय हांच्या फुडारपणा खाला उपनिरिक्षक प्रफुल्ल गिरी फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
