भांगरभूंय | प्रतिनिधी
अमेरिकेची 23 ग्रॅण्ड स्लॅम किताब जिखपी सेरेना विलियम्साक विम्बल्डनाचे पयलेच फेरयेंत हार घेवची पडली. तिका फ्रान्साचे हार्मोनी टेनान 7-5, 1-6 आनी 7-6 अशा तीन सेटांनी हारयली. सेरेनान एका वर्सा उपरांत टॅनीस कोर्टाचेर पुनरागमन केल्लें. पूण, तिचें हें पुनरागमन अपेशी थारलें.
सेरेनाच्या प्रदर्शनांत सातत्य दिसूंक ना. एका वेळार ती मातूय लयेंत दिसूंक ना, जाल्यार केन्ना तिणें जबरदस्त प्रदर्शन केलें.
पयल्या सेटांतल्यो दोन गेमी वगडायल्या उपरांत सेरेनान उत्कृश्ठ रॅली करून सेटांत पुनरागमन केलें. पूण फ्रान्साचे खेळगडयेक पयलो सेट जिखपाक पसून सेरेनाक येस आयलें ना.
दुसऱ्या सेटांत सेरेनान आपलो आदलो फॉर्म दाखयलो. तिणें दुसऱ्या सेटांत फक्त एक गेम वगडायली. तिणें हो सेट 6-1 अशा फरकान जिखलो. अशे तरेन मॅच तिसऱ्या सेटांत गेली. तिसऱ्या सेटांत दोगां मदीं जबरदस्त खेळ जालो आनी सेट टायब्रेकरांत गेलो. टायब्रेकरांत टेनान जैत जोडून फुडले फेरयेंत सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
