भांगरभूंय | प्रतिनिधी
गोंय फुटबॉल असोसिएशनान आयोजीत केल्ले 13 वर्सां पिराये सकयले विभाग II फुटबॉल सर्तींत बाणावलीच्या सेंट सॅबॅस्तियन क्लबान जैत जोडलें. फातोड्डेंच्या आर्टिफिशियल टर्फ मैदानाचेर जाल्ले मॅचींत ताणें युनायटेड क्लब ओर्लीक 7-3 अशा गोल फरकांनी हारयलो.
लॅव्ही मिस्कितान हॅट्रीक केली. जोल्लन कुलासोन दोन जाल्यार मॅस्सी फर्नांडीस आनी फ्रॅंकी मिस्किता हाणें एकेक गोल केलो. युनायटेड क्लब ओर्ली वतीन नोलन परेरान दोन जाल्यार लिएण्डर परेरान एक गोल केलो.
यंग स्ट्रायकर्स बाणावली आनी आव्हे मारिया ए अॅण्ड डब्ल्यू क्लब हांचे मदीं जाल्ले मॅच 6-6 अशी बादाबाद उरली. यंग स्ट्रायकर्सा वतीन जेडन फर्नांडीसान तीन, नासरी बेपारी, ऑस्टन फर्नांडीस आनी टॅर्रन्स फर्नांडीस हाणें एकेक गोल केलो. आव्हे मारिया वतीन नियाझ शेख आनी डलस्टन रॉड्रिगीश हाणें दरेकी दोन गोल केले, जाल्यार मिगन फर्नांडीस आनी जोव्हिसन ब्रागांझा हाणें एकेक गोल केलो.
नावेली मैदानाचेर जाल्ले मॅचींत सीआरएससीन वेर्णा स्पोर्ट्स क्लबाक 5-4 असो हारयलो. सीआरएससी वतीन प्रिन्स फर्नांडीस, सेरिनो डा सिल्वा, लोसन कुलासो, स्नायडन गोम्स आनी सीन परेरा हाणें एकेक गोल केलो. वेर्णा क्लबा वतीन रायलन फर्नांडीसान दोन, जाल्यार मोझेस डायस आनी वेडन मेलो हाणें एकेक गोल केलो.
आनीक एके मॅचींत राय फुटबॉल क्लबान नावेली व्हिलेजर्स युनियनाक 6-1 अशा फरकान हारयलो. राय फुटबॉल क्लबा वतीन मेशवीन कुलासो आनी एरोन सौझा हाणें दोन गोल केले जाल्यार सॅम्युएल क्रुझ आनी शेन फर्नांडीस हाणें एकेक गोल केलो. नावेली व्हिलेजर्स युनियना वतीन सिनड्रोय सौझान एक गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
