भांगरभूंय | प्रतिनिधी
पणजी: सिद्दीकी सुलेमान खान शुक्रारा बंदखणींतल्यान पळून गेल्ल्या प्रकरणांत बडतर्फ केल्लो आयआरबी कॉन्स्टेबल अमित नायकाक उपचारा खातीर आयज गोमेकाँत व्हेलो. पुलीस अधीक्षक अक्षत कौशल आनी उपअधीक्षक सुदेश नायक हांणी केली दुबावितांची चवकशी केली.
मजगतीं, शुक्रारा रातीं अमित नायक हो हुबळी पोलिसांक शरण आयिल्लो. शेनवारा ताका सेवेंतल्या बडतर्फ केल्लो. तशेंच ह्या प्रकरणा विशीं काल सकाळीं पुलीस महासंचालक आलोक कुमार हांणी पत्रकार परिशद घेतली. ह्या वेळार तांणी गुन्यांव फांट्याचे बंदखणींतल्यान पळून गेल्लो सिद्दीकी सुलेमान खान हो कर्नाटकांतूच खंयतरी लिपिल्ल्याचो अदमास उक्तायलो. गोंय पुलिसांच्या पंगडा वरवीं सोद मोहीम सुरू आशिल्ल्याचेंय तांणी ह्या वेळार सांगलें. काल रातीं सिद्दीकी सुलेमानाक हुबळीच्यान गाडयेंतल्यान पळून वचपाक मजत करपी दुबावीत हजरतसाब बवन्नवार ऊर्फ हजरत अली (३४, रा. हुबळी) हाका गुन्यांव फांटो आनी पोरणें गोंय पुलीस पंगडान ताब्यांत घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
