भांगरभूंय | प्रतिनिधी
म्हापशें, प्रतिनिधी ः कळंगूट पुलिसांनी सिकेरी- कांदोळी धाड घालून दुबावीत इब्राहीम पस्तूनी (45, रामनगर- पर्वरी) हाका अटक करून ताचे कडल्यान 92 हजारांचो 920 ग्राम गांजो जप्त केलो.
मंगळारा 30 तारखेक सकाळीं पुलिसांनी ही कारवाय केली. सिकेरींत ड्रग्सची विक्री जातली अशी म्हायती सुत्रां कडल्यान पुलिसांक मेळ्ळी. ते प्रमाण पुलीस निरिक्षक परेश नायक हांच्या मार्गदर्शना खाला उपनिरिक्षक परेश सिनारी, किरण नायक, कॉन्स्टेबल गणपत तिळोजी, विजय नायक, अमीर गरड आनी आकाश नायक हांच्या पंगडान सापळो घालो. दुबावीत ड्रग्स विकपाक आयलो तेन्ना पुलिसांनी ताका धरलो. तपासणी केले उपरांत दुबाविता कडेन 920 ग्राम गांजो मेळ्ळो. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
