भांगरभूंय | प्रतिनिधी
ऑलिम्पिकांत दोन खेपे पदक जिखपी भारताची स्टार बॅडमिंटन खेळगडी पी व्ही सिंधू आनी बी साई प्रणीत हांकां इंडोनेशिया ओपन सुपर 1000 बॅडमिंटन सर्तीचे आपआपल्या गटांतले पयलेच फेरयेंत हार घेवची पडली.
सिंधूक चीनाचे ही बिंग जिआओ कडल्यान 14-21 आनी 18-21 अशा सरळ गेमांनी हार घेवची पडली. ह्या जैता सयत चीनाचे खेळगडयेन सिंधू आडचो आपलो जैताचो रॅकॉर्ड 10-8 असो केलो.
सिंधूक अंदूंच्या हंगामांत फक्त दोनूच किताब जिखपाक जमल्यात. हे हारीक लागून फुडल्या म्हयन्यांत जावपी राष्ट्रकूल खेळां सर्तीचे तयारीचेर परिणाम जातलो.
मजगतीं, दादल्यांच्या एकोड्या गटांत बी साई प्रणिताक डॅनमार्काच्या हॅन्स क्रिस्तियन सोलबर्ग विटिंगसा कडल्यान 16-21 आनी 19-21 अशा फरकांनी हार घेवची पडली.
इशान भटनागर आनी तनिषा क्रास्तो हे मिश्र जोडयेक लेगीत अशेच परिस्थितीक तोंड दिवचें पडलें. भारताचे हे जोडयेक हॉंगकॉंगचे चांग टाक चिंग आनी एनजी विंग युंग होंग हे जोडये कडल्यान फक्त 32 मिनटांनी 14-21 आनी 11-21 फरकान हार घेवची पडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
