भांगरभूंय | प्रतिनिधी
मडगांव : साश्टी म्हालांतल्या नुव्यां वाठारांत एके ८५ वर्सां पिरायेचे बायलेचेर लैंगीक अत्त्याचार जाल्ल्याची धक्को दिवपी घडणूक घडली. ह्या प्रकरणांत मायणा-कुडटरी पुलिसांनी दुबावीत स्टॅनली कुतिन्हो हाचे आड गुन्यांव नोंद केला. ते ताचो सोद घेतात.
मेळिल्ले म्हायती प्रमाण, ही घडणूक ७ जुलयाक सांजेवेळार सुमार साडेसात वरांचेर घडली. दुबावितान पिडेस्त बायलेच्या घरांत बेकायदेशीरपणान प्रवेश करून तिचो विनयभंग केलो आनी तिचेर लैंगीक अत्त्याचार केले. ह्या प्रकरणांत पिडेस्त बायलेचे सुनेन पुलिशेंत कागाळ दाखल केल्या.
कागाळी उपरांत पुलिसांनी दुबावीत स्टॅनली आड बेकायदेशीर प्रवेश, बळजबरी आनी लैंगीक अत्त्याचार अशा विवीध कलमां खाला गुन्यांव नोंद केला. तो खांपो गुन्यांवकार. ह्यान पयलीं ताचेर म्हापशें पुलीस स्टेशनाचेर ‘पोक्सो’ खाला, जाल्यार वेर्णा पुलीस स्टेशनाचेरूय गुन्यांव नोंद आसात.
घडणुके उपरांत पिडेस्त बायलेक वैजकी तपासणे खातीर दक्षीण गोंय जिल्लो हॉस्पिटलांत व्हेली. हें प्रकरण सामकें संवेदनशील आशिल्ल्या पुलिसांनी हाचेर अदीक म्हायती दिवपाचें टाळ्ळां. निरीक्षक कपिल नायक हांच्या मार्गदर्शना खाला उपनिरीक्षक वेरोनिका कुतिन्हो फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
