भांगरभूंय | प्रतिनिधी
पणजी, प्रतिनिधी : केंद्र सरकारान गोंय कोयर वेवस्थापन महामंडळाक ३ कोटी रुपया मंजूर केल्यात. ह्या पयशां वरवीं पिळर्ण उद्देगीक वसणुके लागसारा साळगांव पठाराचेर बायोगॅसीचो वापर करून १.० मेगावॅट वीज निर्मिती प्रकल्प उबारतले. न्यू ऍण्ड रेन्युएबल एनर्जी मंत्रालयान हो निधी मंजूर केला.
सीएफए खाला १६ फेब्रुवारी २०२४ दिसा थारिल्ले प्रमाण वयल्या निधीक मंजुरी दिल्या., अशें ह्या पत्रांत नमूद केलां. शार, उद्देगीक आनी कृषी मळार निर्माण जावपी कोयरा पसून म्हळ्यार बायोगॅस पसून ऊर्जेची निर्मिती करपाचो उपक्रम केंद्र सरकारान हाचे पयलीं सुरू केला. ह्याच उपक्रमा खाला साळगांव पठाराचेर बायोगॅसीचेर आधारीत वीज निर्मिती प्रकल्प स्थापन करपाक गोंय कोयर वेवस्थापन महामंडळाक ३ कोटींचो निधी मंजूर केला. राष्ट्रपतीं कडल्यान निर्देश आयल्या उपरांत ह्या निधीच्या वितरणाची प्रक्रिया सुरू करतले, अशें तातूंत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
