भांगरभूंय | प्रतिनिधी
पर्वरी क्रिकेट अकादमीच्या मैदानाचेर सुरू जाल्ले तीन दिसांचे प्रिमीयर लीग निर्णायक क्रिकेट लडतीच्या पयल्या दिसा जिनो क्रिकेट क्लबान साळगांवकार क्रिकेट क्लबाच्या पयल्या डावाच्या 382 धांवड्यांक तोंड दितना बिनबाद 14 धांवड्यो केल्यात.
साळगांवकार क्रिकेट क्लबान टॉस जिखून पयलीं बॅटींग करपाचो निर्णय घेतलो. ताच्या प्रथमेश गांवस (59), दीपराज गांवकार (57), गगनदीप (59) आनी शिवम सिंग (81) हांणी अर्द शेंकड्यांची खेळी केली.
दीपराज आनी गगनदीप हांणी सवे विकेटी खातीर जाल्यार शिवम सिंग आनी साईश कामतीन णववे विकेटी खातीर दरेकी 89 धांवड्यांची खेळी केली.
एका वेळार साळगांवकाराची स्थिती 5 बाद 115 अशी आशिल्ली. पूण, अखेरेक 382 अशी समाधानकारक धांवसंख्या उबारली.
जिनो क्रिकेट क्लबा खातीर मोहीत रेडकारान 6 विकेटी घेतल्यो. दर्शन मिशाळान 2 जाल्यार अमुल्य पांड्रेकार आनी समर्थ राणे हाणें दरेकी एक विकेट घेतली.
थोडे भितर धांवतकटोः साळगांवकार क्रिकेट क्लब, (पयलो डाव) 94 ओव्हरींनी सगले बाद 382 धांवड्यो ( आर्यन नार्वेंकार 1, प्रथमेश गांवस 59, गौरेश कांबळी 0, आदित्य सुर्यवंशी 28, सागर वंटामुरी 13, दीपराज गांवकार 57, गगनदीप 59, साईश कामत 49, लकमेश पावणे 0, शिवम सिंग नाबाद 81, सागर उदेशी 24 धांवड्यो, मोहीत रेडकार 37-10-120-6, दर्शन मिशाळ 29-4-100-2, समर्श राणे 7-1-28-1, अमुल्य पांड्रेकार 2-0-16-19).
जिनो क्रिकेट क्लब (पयलो डाव) 7 ओव्हरींनी बिनबाद 14 धांवड्यो (आनंद तेंडुलकार खेळटा 3, देवनकुमार चित्तेम खेळटा 7).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
