भांगरभूंय | प्रतिनिधी
गोंय क्रिकेट संघटनेन आयोजीत केल्ले जीपीएल लीग क्रिकेट सर्तीतली सेमी फायनल एमसीसी आनी साळगांवकार ह्या क्लबां मदीं बांदोडकार मैदानाचेर आनी धेंपो क्रिकेट क्लब आनी पणजी जिमखान ह्या क्लबा मदलीं सेमी फायनल पर्वरी क्रिकेट अकादमीच्या मैदानाचेर जाली. ह्यो दोनूय लडती 20 ते 22 मार्च मजगतीं जातली.
काल सांगें क्रिकेट अकादमीचेर जाल्ले मॅचींत चौगुले स्पोर्ट्स क्लब आनी साळगांवकार क्रिकेट क्लब हांचे मदली लडत बादाबाद उरली. पयल्या डावांत 138 धांवड्यांची आघाडी घेतिल्ल्यान साळगांवकाराक तीन आनी चौगुलेक बादाबाद उरिल्ल्यान एक गूण फावो जालो.
साळगांवकार क्रिकेट क्लबाच्या पयल्या डावांतल्या 450 धांवड्यांक जाप दितना चौगुले स्पोर्ट्स क्लबान 3 बाद 216 धांवड्यां वयल्यान मुखार खेळपाक सुरवात केल्या उपरांत आपल्या पयल्या डावांत 9 बाद 312 धांवड्यो केल्यो. दुसऱ्या दिसा नाबाद आशिल्लो कश्यप बखले 110 धांवड्यांचेर आनी समर दुभाषी 51 धांवड्यांचेर बाद जालो. मोहित रेडकारान 18 बॉलांनी पांच चवके आनी तीन सक्यांचे मजतीन 41 जाल्यार जगदीश पाटीलान 37 बॉलांनी 28 धांवड्यो केल्यो. साळगांवकाराच्या विजेश प्रभुदेसायान 4, यश कसवणकारान तीन विकेटी घेतल्यो.
थोडे भितर धांवतकटोः साळगांवकार क्रिकेट क्लब (पयलो डाव) 110.4 ओव्हरींनी सगले बाद 450, चौगुले स्पोर्ट्स क्लब, (पयलो डाव) 3 बाद 216 वयल्यान 78.3 ओव्हरींनी 9 बाद 312 धांवड्यो (कश्यप बखले 110, समर दुभाषी 55, वर्धन मिस्कीन 5, मोहित रेडकार 41, जगदीश पाटील 28, सचिन मिश्रा 0, शदाब खान 11 धांवड्यो, विजेश प्रभुदेसाय 4-46, लकमेश पावणे 1-61, अमुल्य पांड्रेकार 1-71, यश कसवणकार 3-75), साळगांवकार क्रिकेट क्लब (दुसरो डाव) 33 ओव्हरींनी 4 बाद 70 धांवड्यो (गौरीश कांबळी 16, मुकूल कसाना 0, आदित्य सुर्यवंशी 33, दिशांक मिस्कीन 8, यश कसवणकार नाबाद 10, आयुष वेर्लेकार नाबाद 3 धांवड्यो, सचिन मिश्रा 2-20, शिवम आमोणकार 2-24).
———
एमसीसी कडल्यान पणजी जिमखाना हारयलो
किथ पिंटोन घेतिल्ल्या सात विकेटींच्या नेटार एमसीसीन पणजी जिमखानाक 86 धांवड्यांनी हारोवन गोंय क्रिकेट संघटनेन आयोजीत केल्ले जीपीएल लीग क्रिकेट सर्तींतलें आपलें दुसरें जैत जोडलें. पर्वरी क्रिकेट अकादमीचेर खेळयिल्ले हे लडतींत 254 धांवड्यांनी फाटीं आशिल्ल्या पणजी जिमखानाचो दुसरो डाव 5 बाद 84 वयल्यान 168चेर सोंपलो.
थोडे भितर धांवतकटोः एमसीसी (पयलो डाव) 179 धांवड्यो, पणजी जिमखाना (पयलो डाव) 161 धांवड्यो, एमसीसी (दुसरो डाव) 236 धांवड्यो, पणजी जिमखाना (दुसरो डाव) 5 बाद 84 धांवड्यां वयल्यान 56.4 ओव्हरींनी सगले बाद 168 धांवड्यो (हेरंब परब 10, राजशेखर हरिकांत 28, शुभम देसाय नाबाद 44, मनीष पै काकोडे 1, शुभम तारी 13, प्रथमेश डोंगरे 5 धांवड्यो, हेरंब परब 3-16, किथ पिंटो 7-81).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
