भांगरभूंय | प्रतिनिधी
भांगरभूंय । खबरा मेंज
पणजीः ऑनलायन व्याकरणाचेर व्हिडियो घातल्या उपरांत ‘सार्थ’ ही संस्था पयलेंच फावट कवितेचेर आदारीत चित्रकला सर्त घडोवन हाडटा. सार्थ संस्थेन सर्गेस्त डॉ. मनोहरराय सरदेसाय शताब्दीच्या निमतान ही सर्त आयोजीत करपाचे थारायला. परिक्षा सोंपल्यांत. घराकडेन भुरग्यांक कामकाज दिवन ती व्यस्त उरचीं हें मतींत दवरून हे सर्तीचे आयोजन केलां. ही सर्त फकत माध्यमीक विद्यालयीन 5वी, 6वी आवी 7वी, यत्तेच्या विद्यार्थ्यां खातीर उक्ती आसा.
सर्तीचें नेम आनी अटी फुडले भशेन 1) कोंकणीच्या खंयच्याय कवीची कविता घेवन ताचेर चीत्र काडपाचें. 2) चित्रा वांगडा तुमी निवड केल्ली कविता जोडची. 3) तुमचें नांव, शाळेचे नांव, मोबायल नंबर बरोवचो. 4) सर्तकान एक तर वॉटर कलर ना जाल्यार पोस्टर कलर वापरचें 5) चित्र काडपाक ए 4 सायझ पेपर वापरचो. सर्ती खातीर निमणी तारीख 30 एप्रील आसा. आमकां तुमचे चीत्र तुमी वेंचून काडिल्ल्या कवितेसयत शांताराम तळेकार, घर नंबर 333/2 मातृस्मृती, दांडो गोंय व्हेल्हा, तिसवाडी गोंय 403108 ह्या ह्या नाम्यार धाडून दिवचें अशें कळीत केलां.
सर्तींतल्या जैतिवंताक रोख रक्कम, पुस्तकां, यादिस्तीक आनी प्रमाणपत्र भेटयतले. तीन मुखेल इनामां आनी पांच उमेद वाडोवपी इनामां तशेंच सर्तीत वांटेकार जाल्ल्या दरेका सर्तकाक प्रमाणपत्र भेटयतले. अदीक म्हायती खातीर तुलसी पर्येकार (9145681993), अविता गांवस (9421156170) हांचे कडेन संपर्क सादचो . हे सर्तीत वांटो घेवन आमकां आदार आनी प्रतिसाद दिवचो अशी आस्त सार्थ संस्थेन बाळगिल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
