भांगरभूंय | प्रतिनिधी
नवी दिल्ली, खबरां संस्था ः देशांतल्या सायबर स्पेस सुरक्षेची जापसालदारकी आशिल्ल्या म्हायती तंत्रज्ञान मंत्रालयाच्या ‘कॉम्प्युटर इमर्जन्सी रिस्पॉन्स टीम’ (सर्ट-इन) नेटवर्क हॅक जाल्ल्यची खबर मेळ्ळ्या. सर्ट- इन आनी सरकारी खात्यांचे सगले गुप्त मेल भौशीक डोमेनाचेर लीक जाले. चीनी वा पाकिस्तानी हॅकरांचें हें काम आसू येता अशें म्हण्टात. अंदूं सर्ट- इनाची ही दुसरी व्हडली लीक. ताचे आदीं फेब्रुवारींत बीएसएनएल कर्मचाऱ्यांचो ईपीएफओ डेटा लीक जाल्लो. लीक जाल्ल्या दस्तावेजांत सर्ट- इनाच्या जायत्या कर्मचाऱ्यांची आनी सुरक्षा प्रकल्पांची म्हायती आसा. सरकारी खात्यांक धाडिल्ले जायते म्हत्वाचे ई- मेलूय लीक जाल्यात. लीक जाल्ल्या दस्तावेजांत देशांतल्या सगळ्यांत व्हडल्या डिजिटल लॅबाच्या ईएसएफचो अंतरीम अहवालाचोय आस्पाव आसा.
वित्तीय संस्थांचेर 30 व्हड हल्ले
बँकींग, अर्थीक सेवा आनी आयुर्विमांत सगळ्या बँकिंग, अर्थीक सेवा आनी विमो सेवा पुरवणदारांचो आस्पाव जाता. जानेवारी म्हयन्यांत ह्या कंपनींच्या सायबर नेटवर्कांचेर वट्ट 30 सायबर हल्ले जाल्यात. तातूंतले 19 सगळ्यांत व्हडले हल्ले आशिल्ले. 2 खूब गंभीर आशिल्लें. नोव्हेंबरांत वट्ट 21 हल्ले जाले. तांतूत 14 व्हड आनी 3 खूब गंभीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
