भांगरभूंय | प्रतिनिधी
मडगांव, प्रतिनिधी ः होंडा एव्हिएटर ही दुचाकी घेवन वतना दुबावीत जोसेफा फर्नांडीस हिणें सायकल वयल्यान वचपी शिवाप्पा तेली (61) हाका कट्टो-फातर्पा हांगा धपको दिलो. ह्या अपघातांत सायकल चलोवपी तेली जखमी जाल्ल्यान कुंकळ्ळे पुलिसांनी जोसेफा आड गुन्यांव नोंद केला.
मेळिल्ले म्हायती प्रमाण, दुबावीत जोसेफा बाळ्ळे सावन फातर्पा वटेन वतना कट्टो फातर्प्यां चंदन जनरल स्टोर्स लागसार सायकल चलोवपी शिवाप्पा गिरमाला तेली (61, रा. कट्टो, फातर्पा) हांकां धपको दिलो. ही घडणूक 6 मे दिसा सांजवेळा सुमार 7.30 वरांचेर घडली. ह्या अपघातांत तेली हांचे तकलेक आनी कुडीच्या हेर भागांक जखम जाल्यो. हे संबंदी कुंकळ्ळे पुलिसांनी जोसेफा आड बेपर्वा गाडी चलोवन हेरांचो जीव धोक्यांत घालपाच्या प्रकरणात गुन्यांव नोंद केला. पुलीस निरिक्षक डायगो ग्रॅसिअस हांच्या मार्गदर्शना खाला फुडली चवकशी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.