भांगरभूंय | प्रतिनिधी
भांगरभूंय । प्रतिनिधी
वाळपयः होंडा हांगा एके सान चलयेचेर बलात्कार करपी मोहम्मद सर्फराज (राज) ह्या 24 वर्सा पिरायेच्या मूळ झाऱखंडांतल्या तरणाट्याक वाळपय पुलिसांनी अटक केली. पुलिसांनी दिल्ले म्हायती प्रमाण हे 14 वर्सां पिरायेचे चलयेचर तो लिंगीक अत्याचार करतालो. तीन दिसां पयली चलयेच्या पालकांनी वाळपय पुलस स्टेशनात कागाळ केल्या उपरांत हो प्रकार उक्ताडार आयलो.
सर्फराज हे चलयेच्या घऱा शेजारीक रावता. तो मानाय म्हणून काम करतालो. चलयेक हांयसां दाखोवन तो तिचेर बळजबरी करतालो. वाळपयच्या पयलो वर्ग न्यायालयान ताका रिमांड दिला. उपनिरीक्षक सर्वेश गड्डी ह्या प्रकरणाचो तपास करता.
सध्या होंडा आनी हेर गांवगिऱ्या वाठारांत स्थलांतरीतांचो आंकडो वाडपाक लागला. काय वर्सां आदी थळाव्या लोकांनी स्थलांतरींका भाड्यान दवोरपाक विरोध केल्लो. मात फाटल्या दोन वर्सां सावन तांचो आंकडो वाडपाक लागला. ताका लागून चोरयो वाडपाक लागल्यात. स्थलांतरीतांची पुलिसांनी चवकशी करची अशी थळाव्या लोकांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.