भांगरभूंय | प्रतिनिधी
भांगरभूंय । प्रतिनिधी
काणकोणः आगोंदा एके सान चलयेचेर बलात्कार करपी वीरेंद्र शिंदे ह्या सावंतवाडीच्या तरणाट्याक काणकोण पुलिसांनी कोल्हापूरा वचून अटक करून गोंयांत हाडलो. बलात्कार केल्ली 15 वर्सां पिरायेची चली स म्हयन्याची गुरवार आसा. तिचे आवयन काणकोण पुलीस स्टेशनांत कागाळ केल्या उपरांत तांणी शिंदेक अटक करून ताचेर गोंय बाल आनी पोस्को कायद्या खाला गुन्यांव नोंद केला.
सोमाराक बलात्काराची कागाळ केल्या उपरांत काणकोण पुलिसांनी मोबायल लोकेशना वयल्यान दुबाविताचो माग काडून कोल्हापूरांत वचून ताका अटक केली. 24 वरां भितर काणकोण पुलिसांनी ही कारवाय केली. 19 वर्सां पिरायेच्या शिंदेची पिडेस्त चलये कडेन वळख आशिल्ली. ती पयसुल्लीं सोयरी आसात. बलात्काराची घडणूक फाटल्या मे म्हयन्यांत जाल्ली. शाळेंत वचपी ही चली दुयेंत पडटाली. तिचे पालक फाटल्या जाय त्या वर्सां सावन आगोंदा रावतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.