भांगरभूंय | प्रतिनिधी
भांगरभूंय । प्रतिनिधी
पोरणे गोंयः सान्तआंद्रें मतदारसंघात वेगवेगळ्या कामाचे बुन्यादी फातोर आमदार विरेश बोरकाराचे हस्तुकीं बसयले. लोकसभा वेंचणकेची आचार संहिता लागू जावचे पयलीं ह्या कामाक सुरवात केल्या. सिरिदांव हागा उदका पायपलायन बदलप, गोवा वेल्हा आनी आगशी हांगा रस्त्यांचे हॉटमिक्स डांबरीकरणाचो हातूंत आसपाव आसा.
पावसाक सुरवात जावचे पयलीं सगळीं कामां पुराय करतले. दरेका कामाचेर आपूण स्वताक लक्ष दितलों अशें विरेश बोरकारान सांगलें. आचार संहिता लागू जावचे पयलीं सगल्या कामामाच वर्क ऑर्डर काडल्या अशी म्हायती ताणे दिली. शिरिदांव हांगची उदका पायपलायन 40 वर्सां उपरांत बदलतले. ती पोरणी जाल्ल्यान मदलोवाडो, जेजू नाझारेथ वाडो हांका पियेवपाच्या उदकाचो सामको उणाव जाता. पायपलायन बदलाक 2 कोटी 45 लाख रुपया खर्च येतलो अशें बोरकारान सांगलें.
फोरगोटवाड्या वयल्या रस्त्याचें 51 लाख रुपया खर्च करून तीन वर्सां उपरांत डांबरीकरण करतले. दांडी आगशी रस्तो जमनीपोंदच्यान वीज केबल्स घालपा खातीर फोडल्लो. तो सारको करपाचें काम करतले. कामाक सुरवात करतना आमदार बोरकारा वांगडा शिरिदांवची सरपंच सुवर्णा कुंकळ्ळीकार, पंच भारत आनी जॉलोन, अभियंता सुनील शेट, गोवा वेल्हाचो सरपंच आयनो डिसोझा, उपसरपंच मोनिका मिरांडा, पंच इमिलिया, कयादो हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
