भांगरभूंय | प्रतिनिधी
कोंकणी भाशा मंडळाचो लीलावती दामोदर नायक यादस्तीक ‘चित्रंगी’ समाजीक आनी साहित्यीक मेळावो, कोपार्डें- सत्तरीच्या घोटेर फार्म हावजांत ९ आनी १० नोव्हेंबराक जातलो. हातूंत चर्चासत्रां, पुस्तक प्रकाशन हांचो आसपाव आसा. ९ नोव्हेंबराक दनपारच्या ३.३० वरांचेर उक्तावण जातलें. ह्या दोन दिसांच्या सुवाळ्यांत साहित्यीक, वाचक, समाज कार्यकर्ते, बायलां भजनी कलाकार, उद्देजक हांणी हजर रावपाचो उलो आयोजकांनी मारला.
—
आखाड्यावेल्या श्रीपांडुरंग देवळांत २४ वरांचें अखंड भजनी सप्तक मंगळार १२ ते बुधवार १३ नोव्हेंबराक भक्तीभावान देवळाच्या महाजनां वतीन मनयतले. ह्या सप्तकाचे येजमान श्रृती आनी अमर भोसले आसात. ह्या दोनूय दिसा विंगड विंगड सांस्कृतीक आनी धर्मीक कार्यावळींचें आयोजन केलां.
—
शुक्रार, ८ नोव्हेंबराक सांजवेळार साडेपांचांक पिळर्णच्या म्युझियम ऑफ गोवांत (MOG) ’द नेटिव्ह टेबल’ हे कार्यावळीचें आयोजन केलां. नामनेची शेफ अंजली प्रभू वळवयकार हांच्या फुडारपणा खाला ही विशेश कार्यावळ जातली.
—
तारीवाडा माशेलांतल्या साईकला मंडळाचो ३२ वो वर्धापन दीस सुवाळो १६ नोव्हेंबराक सांजेवेळार ६.३० वरांचेर मनयतले. ह्या निमतान ३२ वी अखील गोंय आकाशदिवो सर्त आयोजीत केल्या. तशेंच फॅन्सी ड्रेस सर्त आनी सोलो डान्स सर्तीचें आयोजन केलां. ह्या सर्तीं खातीर नांव नोंदणी आनी चड म्हायती खातीर ९८२३७ ६४९५०/ ९८५०४ ०२०८८ ह्या नंबराचेर संपर्क करपाचो उलो आयोजकांनी मारला.
—
कुंभारजुवेंच्या सार्वजनीक गणेशोत्सव सांस्कृतीक कला आनी खेळां मंडळा वतीन अखील गोंय पयली आकाशदिवो सर्त १६ नोव्हेंबराक सांजेवेळार ७ वरांचेर आदल्या बसस्टँडा लागसारच्या छत्रपती चौकांत आयोजीत केल्या. मेटलचे आकाशदिवे सर्तींत स्विकारचे नात. नांव नोंदणी खातीर दर्शना फडते (९३०७१४८५६२) हांचे कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
