भांगरभूंय | प्रतिनिधी
कुडणें – सांखळेच्या श्री कुडणेश्वर देवस्थानाची वर्सुकी कुडणेश्वर महालक्ष्मी होमखण जात्रा आयतार २८ एप्रिलाक धर्मीक आनी सांस्कृतीक कार्यावळींनी मनयतले. ह्या निमतान २८ एप्रिलाक सकाळ सावन देवळांत धर्मीक विधी सुरू जातले. दनपरां चार वरांचेर धोंड मानवण्याची कार्यावळ जातली. सांजे वेळार पांच वरांचेर बाल धोंडा सयत देवी सांतेरीची होटी भरून मान अर्पण करतले.
सांजेवेळार स वरांचेर श्री महालक्ष्मी देवीचें श्री देवी सांतेरी मंदिरा लागसारा आशिल्ले तळयेर न्हांवपा खातीर आगमन जातलें. उपरांत हांगा सगळ्यो सवायशिणी होटयो भरतल्यो. रातच्या इकरा वरांचेर हरवळेंच्या श्री देव रुद्रेश्वरा कडल्यान येवपी भेट, होटी, फळां, फुलां स्विकारतले. रातच्या एक वरांचेर गांवच्या दरेका वाड्या वयल्यान धोल- ताशांच्या गजरांत धोंड देवळांत प्रवेश करतले. उपरांत देवी महालक्ष्मीचो कळस मंदिराच्या आंगणांत नाचयतले.
मध्यानरातीं दोन वरांचेर होमखणांत अग्नी पेटयले उपरांत सकाळीं देव रवळनाथाचो प्रसाद घेवन व्यतथळ अग्निप्रवेश करतले. उपरांत देवी महालक्ष्मीचो अग्नी प्रवेश आनी सगळ्यांत निमाणे कडेन भार आशिल्ली व्यक्ती भगभगते कोळशे माथ्या वयल्यान उडोवन अग्नी प्रवेश करतली. उपरांत मंदिराच्या मंडपांत कौल दितले. २९ एप्रिलाक रातच्या साडेधा वरांचेर ‘संगीत ययाती देवयानी’ हें नाटक, जाल्यार ३० एप्रिलाक ‘संगीत शिव वरदान’ हें नाटक सादर जातलें. १ मेक ‘अगबाई सुनबाई’ हें नाटक जातलें. जाल्यार २ मेक ऑर्केस्ट्रा जातलो.
गोबी मंचुरी स्टॉल्सांचेर बंदी
जात्रे मजगतीं गोबी मंचुरियन स्टॉल धारकांक परवानगी दिवंक ना हाची नोंद घेवची, अशें कळयलां.
सुर्ला होमखण जात्रा २७ वेर
सांग्यार ३० वेर महालक्ष्मी वर्धापनदीस
टेनिस बाॅल सर्त
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
