सानुल्यो खबरो
भांगरभूंय | प्रतिनिधी
आजोबा समाजीक आनी सांस्कृतीक मंडळ होंडें सत्तरी वतीन आयतार १७ नोव्हेंबराक सांजेवेळार ७ वरांचेर देवकुंडेश्वर देवस्थान पंचायतनांतल्या आजोबा देवळांत अ. गों. आकाशदिवो सर्तीचें आयोजन केलां. हे सर्तींत सर्तकांनी व्हडा संख्येन वांटेकार जावचें असो उलो आयोजकांनी मारला. हे सर्तींत वांटेकार जावपा खातीर अनंत धुमे (८३९० ८३१०३५), मंजुनाथ प्रभू (७५८८४२९२३) वा सत्यवान नायक (८७८५६७१२१ हांचे कडेन संपर्क करचो.
सोमारा 18 नोव्हेंबराक रातीं 8 वरांचेर साने कुटुंबान सावयवेरेंच्या श्री अनंत देवस्थानांत गंधपुजा निमतान ‘स्वर अनंत’ ही संगीत कार्यावळ आयोजीत केल्या.
मोरजे शुक्रारा २२ नोव्हेंबराक ३.३० वरांचेर कळसदेव मांगर सभाघरांत मोरची कलानिकेतन आनी मोरजे भौशीक गणेशोत्सव विश्वस्त मंडळाच्या पालवान पुस्तक प्रकाशन सुवाळो जातलो.
सत्तरी तालुक्यांत भलायके विशीं लोकांक जागृताय निर्माण करपा खातीर 1 डिसेंबराक आमशेकर मॅरेथॉन कार्यावळ आयोजीत केल्या. ही मॅरेथॉन फाटल्या स वर्सां सावन घडोवन हाडटात.
फाटल्या २५ वर्सां सावन गोमंतक मराठी भाशा परिशद फोंडें गोंय, स. प्रो. बाळकृष्ण वामन सावड्डेंकार मराठी वक्तृत्व सर्तीचें आयोजन करता. २० नोव्हेंबर ते २२ डिसेंबर मेरेन हे सर्तीची म्हाल पांवड्यार फेरी घेतले. निमाणी फेरी मंगेशींच्या वागळे हायस्कुलांत २२ डिसेंबराक सकाळच्या ९ वरांचेर घेतले. दिवचले केंद्रांत ही सर्त ३० नोव्हेंबराक जातली. हे सर्ती विशीं चड म्हायती खातीर दिवचल केंद्र मुखेली कालिदास उमर्ये (९९७५९६२९५१) हांचे कडेन संपर्क करचो असो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
