भांगरभूंय | प्रतिनिधी
भारतीय पत्रकारिता मंडळाच्या स्थापनेच्या निमतान दरेक वर्सा राष्ट्रीय पत्रकारिता दीस मनयतात. राष्ट्रीय पत्रकारिता दिसा निमतान १६ नोव्हेंबर दिसा सकाळीं ९.३० वरांचेर म्हायती आनी प्रसिद्धी खात्यान गोंय संपादक मंडळ, गोंय पत्रकार संघ, गोंय फोटो पत्रकार संघटना, इलेक्ट्रॉनीक माध्यम पत्रकार संघटना, खेळां पत्रकार संघटना आनी दक्षीण गोंय पत्रकार संघटनेच्या जोड पालवान पणजे इन्स्टिट्यूट मिनेझीस ब्रागांझा सभाघरांत राष्ट्रीय पत्रकारिता दीस कार्यावळीचें आयोजन केलां. हे कार्यावळीक मुख्यमंत्री डॉ. प्रमोद सावंत मुखेल सोयरे म्हूण उपस्थित रावतले.
—
आडपयच्या बोरकर कुटुंबीयांच्या मूळ पुरुष देवळांत १५ नोव्हेंबराक दिवजां जातलीं. दिसभर विवीध धर्मीक आनी सांस्कृतीक कार्यावळींचें आयोजन केलां. ह्या दिसा सवायशिणी दिवे घेवन, देवळाचीं पांच प्रदक्षिणा घालून, देवळांत वचून दिवजांची वात मुळ पुरुषा मुखार दवरतात. निमाणें सगळ्यांक तिर्थप्रसाद भेटयतले.
—
नाट्य लेखक, कवी, पत्रकार सुरेश बायेंकार हांच्या सोशल मीडिया ग्रुप बायेकर न्यूज संकल्पनेंतल्यान आयोजीत णव्वें कवी संमेलन शेनवार १६ नोव्हेंबराक सांजेवेळार ४ वरांचेर वेळगें ग्रामपंचायतीच्या सभाघरांत जातलें. दिवचल पत्रकार संघ, सुर्ला ग्रामपंचायत आनी वेळगें ग्रामपंचायत हांच्या जोड पालवान आयोजीत ह्या संमेलनाक मुख्यमंत्री डॉ .प्रमोद सावंत मुखेल सोयरे म्हणून हजर रावतले. ह्या वेळार गोंयचे १५ युवा कवी कविता सादर करतले. ह्या निमतान सकाळीं १० ते दनपरां १ वरांचेर वेळगें ग्रामपंचायत मर्यादीत फुलां, पानां वापरून रांगोळी घालपाची सर्त दवरल्या. ही सर्त दोन गटांनी जातली.
—
रावणफोंड गणपती देवळांत कार्तिक पौर्णिमा शुक्रार, १५ नोव्हेंबर आनी शेनवार, १६ नोव्हेंबराक मनयतले.
—
मडगाव रवींद्र भवनांत शुक्रार, १५ नोव्हेंबराक सांजवेळा ६.३० वरांचेर उक्ते माचये खाला नृत्यानंद कार्यावळींत डॉ. सपना कोचरेकार- नायक हांची ‘शक्ती – द पॉवर अँड ग्लोरी’ ही भरतनाट्यम नाचाची कार्यावळ घडोवन हाडटले.
—
आजोबा समाजीक आनी सांस्कृतीक मंडळ होंडें सत्तरी वतीन आयतार १७ नोव्हेंबराक सांजेवेळार ७ वरांचेर देवकुंडेश्वर देवस्थान पंचायतनांतल्या आजोबा देवळांत अ. गों. आकाशदिवो सर्तीचें आयोजन केलां. हे सर्तींत सर्तकांनी व्हडा संख्येन वांटेकार जावचें असो उलो आयोजकांनी मारला. हे सर्तींत वांटेकार जावपा खातीर अनंत धुमे (८३९० ८३१०३५), मंजुनाथ प्रभू (७५८८४२९२३) वा सत्यवान नायक (८७८५६७१२१ हांचे कडेन संपर्क करचो.
—
तारीवाडो- माशेलांतल्या साईकला मंडळाचो ३२ वो वर्धापन दीस सुवाळो १६ नोव्हेंबराक सांजेवेळार ६.३० वरांचेर विंगड विंगड कार्यावळींनी मनयतले. ह्या निमतान ३२ वी आखील गोंय आकाशदिवो सर्त आयोजीत केल्या. तशेंच फॅन्सी ड्रेस सर्त आनी सोलो डान्स सर्तीचें आयोजन केलां. ह्या सर्तीं खातीर नांव नोंद आनी चड म्हायती खातीर ९८२३७ ६४९५०/९८५०४ ०२०८८ ह्या नंबराचेर संपर्क करपाचो उलो आयोजकांनी मारला.
—
कुंभारजुवेंच्या सार्वजनीक गणेशोत्सव सांस्कृतीक कला आनी खेळां मंडळा वतीन अखील गोंय पयली आकाशदिवो सर्त १६ नोव्हेंबराक सांजेवेळार ७ वरांचेर छत्रपती चौक, आदलो बसस्टँड कुंभारजुव्यां आयोजीत केलां. मेटलाचे आकाशदिवे सर्तींत स्विकारचे नात. नांव नोंदणी खातीर दर्शना फडते (९३०७१४८५६२) हांकां संपर्क करचो.
—
फाटल्या २५ वर्सां सावन गोमंतक मराठी भाशा परिशद फोंडें गोंय, स. प्रो. बाळकृष्ण वामन सावड्डेंकार मराठी वक्तृत्व सर्तीचें आयोजन करता. २० नोव्हेंबर ते २२ डिसेंबर मेरेन हे सर्तीची म्हाल पांवड्यार फेरी घेतले. निमाणी फेरी मंगेशींच्या वागळे हायस्कुलांत २२ डिसेंबराक सकाळच्या ९ वरांचेर घेतले. दिवचले केंद्रांत ही सर्त ३० नोव्हेंबराक जातली. हे सर्ती विशीं चड म्हायती खातीर दिवचल केंद्र मुखेली कालिदास उमर्ये (९९७५९६२९५१) हांचे कडेन संपर्क करचो असो उलो आयोजकांनी मारला.
—
त्रिपुरारी पुनव शुक्रारा १५ नोव्हेंबराक तिसवाडी तालुक्यांतल्या बायंगणीतल्या गोंय उपपिठार शिव देवळांत व्हड उमेदीन आनी वेगवेगळ्या सांस्कृतीक कार्यावळींनी मनयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
