भांगरभूंय | प्रतिनिधी
खबरां संस्था
बीजिंगः सात्विक साईराज आनी चिराग शेट्टी ह्या भारतीय डबल्स जोडयेन चीनी मास्टर्स 750 सर्तीचे फायनलींत प्रवेश केला. चीनातले शेन्जेन शारांत चलता ते सर्तींत जी टिंग आनी रेन जियांग यू हे चीनी जोडयेक 21-15, 22-20 अशे सरळ गेमींत हारयलें. ही मॅच 50 मिनटां चल्ली. सात्विक- चिराग जोडयेन अंदू बाडब्ल्यूएफ संसवाकीर भोंवडेंतली चवथी फायनल खेळटले. हे जोडयेन अदूं इंडोनेशिया सुपर 1000, कोरिया सुपर 500 आनी स्वीस सुपर 300 किताब जिखल्यात.
सेमीफायनल एकतर्फी जाली. भारतीय जोडयेन पयली गेम 21-15 अशी सहज जिखली. दुसरे गेमींत मात चीनी जोडयेन प्रतिकार केलो. ही गेम पांच फावट बरोबोरींत आशिल्ली. निमाणे सेगीत दोन गुण मेळोवन भारतीय जोडयेन मॅच जिखली. भारताच्या हे जोडयेन उपांत्यपूर्व मॅचींत इंडोनेशियाचे लियो रोली कार्नांडो आनी डेनियल मार्थिन जोडयेक 21-16, 21-14 अशे हारोवन सेमीफायनलींत प्रवेश केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
